Accident: नागपूर-तुळजापूर महामार्गावर भीषण अपघात; दोन ठार, कार चालक फरार

नांदेड : नांदेडमध्ये (Nanded) भीषण अपघातात दोन ठार झाले आहेत. हा अपघात नागपूर - तुळजापूर महामार्गावर झाला आहे. हदगाव तालुक्यातील मानवाडी फाट्याजवळ दुपारी साडेतीनच्या सुमारास कार आणि अ‍ॅक्टिव्हाचा समोरासमोर झालेल्या भीषण धडकल्याने मोठा भीषण अपघात झाला आहे. या अपघातात एक जण जागीच ठार तर एक गंभीर जखमी झाला असून जखमीला पुढील उपचारासाठी हदगावच्या उपजिल्हा रुग्णालयात उपचारासाठी नेत असताना रस्त्यातच त्याचा मृत्यू झाला आहे.

कार हदगावच्या दिशेने तर अॅक्टीव्हा वारंगा फाट्याकडे जात असताना हा अपघात झाला. अपघातात अ‍ॅक्टिव्हाच्या समोरचा भाग चक्काचूर झाला असून अपघाताच होताच कार चालकाने कार घटनास्थळावर ठेवून फरार झाला आहे. पोलिसांनी (Police) घटस्थळाचा पंचनामा केला आहे मात्र, अपघातात मृत्यू झालेल्यांची अद्याप ओळख पटली नाही.

Edited By - Jagdish Patil