Maval News : मावळातील देहूरोड येथे एका रिक्षा चालकाने त्याच्या रिक्षात विसरलेली लाखाे रुपयांची किंमतीचे साेन्याचे आणि चांदीचे दागिने कुटुंबास परत केले. रिक्षा चालकाच्या प्रामाणिकपणाबद्दल त्याचा देहूराेड पाेलिसांनी सन्मान केला. (Maharashtra News)
रिक्षा चालक गणेश फुरडे आणि सुरज तांबे यांना देहूरोड मुकाई चौक येथे एक पांढऱ्या रंगाची बॅग आढळली. त्यांनी बॅग पाहिल्यानंतर ती स्वत:कडे घेतली. त्यामध्ये पाहिल्यानंतर त्यांना बॅंगेत सोन्याचे दागिने व चांदीचे अलंकार दिसले.
त्यांनी तडक दागिने असलेली बॅग घेऊन देहूरोड पोलिस ठाणे गाठले. दागिन्यांची बॅग सापडल्याचे सांगून देहूरोड पोलिसांना सुपूर्त केली. पाेलिसांनी या बॅंगेची तपासणी केली असताना त्यांना सोनाराची पावती आढळली. त्यानूसार पाेलिसांनी त्या पावतीवरील क्रमांकावरुन संपर्क साधला. त्यानंतर दागिन्यांची बॅग अर्चना बारणे यांची असल्याचे समजले.
पाेलिसांनी बारणे यांच्याशी संपर्क साधला. त्या पाेलिस ठाण्यात आल्यानंतर त्यांना दागिन्यांची बॅग देण्यात आली. या बॅगेत सात ताेळे साेने हाेते. काही किलाे चांदी देखील हाेती. बारणे यांनी रिक्षा चालक गणेश फुरडे आणि सुरज तांबे यांच्यासह देहूराेड पाेलिसांचे आभार मानले.
आजच्या युगात माणूसकी, प्रामाणिकपणा (honesty) बघायला फार कमी दिसून येते असे म्हणत बारणे कुटुंबियांनी आणि पाेलिसांनी रिक्षाचालकांचा सन्मान केला.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
