भाजपने मनाचा मोठेपणा दाखवला त्याबद्दल आभार- खा. रजनी पाटील

मुंबई: काँग्रेसचे खासदार राजीव सातव (Rajiv Satav) यांच्या मृत्यूनंतर रिक्त झालेले जागेसाठी पोटनिवडणूक होणार होती. त्यासाठी काँग्रेसकडून रजनी पाटील (Rajni Patil) यांना उमदवारी देण्यात आली होती. भाजप (BJP) सुरुवातील निवडणूक बिनविरोध करणार असं चित्र होतं, मात्र अचानक भाजपने आपला उमेदवार दिला आणि निवडणून काँग्रेससाठी (Congress) अवघड बनली. मात्र काँग्रेसच्या विनंतीनंतर भाजपने आपला उमेदवारी अर्ज मागे घेतला आणि रजनी पाटील बिनविरोध खासदार झाल्या. त्यानंतर त्या माध्यमांसमोर आल्या आणि बोलताना त्या म्हणाल्या ''मला आज माझा लहान भाऊ राजीव सातव यांची आठवण येत आहे. सगळ्यांनी समजूतदारपणा दाखवला दिल्लीत मला आशीर्वाद मिळाले.

राज्यातून देखील अनेकांनी पुढाकार घेतला त्यामुळे मला संधी मिळाली. भाजपने मनाचा मोठेपणा दाखवला त्याबद्दल त्यांचे आभार. प्रमोद महाजन यांच्या निधनानंतर ही काँग्रेसने उमेदवार दिला नव्हता. विलासराव देशमुख यांच्या निधनानंतर मलाच उमेदवारी दिली होती, आताही राजीव सातव यांच्या निधनानंतर मलाच उमेदवारी दिली आहे. बिनविरोध निवडणुकीचा पायंडा काँग्रेसने जपला, तिच परंपरा पाहायला मिळत आहे. चंद्रकांतदादा पाटील काय बोलले होते याबद्दल मला काही बोलायचे नाही.

Edited By: Pravin Dhamale