राज ठाकरे पुण्यात, अमित ठाकरे नाशिकमध्ये, महापालिका निवडणुकीसाठी बापलेकाने दंड थोपटले!

पुणे - आगामी महापालिका निवडणुकांच्या पार्श्वभूमीवर महाराष्ट्र नवनिर्माण सेनेचे अध्यक्ष राज ठाकरे Raj Thackeray आणि त्यांचे पुत्र अमित Amit Thackeray चांगलेच एक्टिव्ह झाल्याचे चित्र आहे. पुणे Pune, नाशिक Nashik आणि ठाण्यावर या पिता-पुत्रांनी विशेष लक्ष केंद्रित केले आहे. त्यामुळे ठाकरे पिता-पुत्रांच्या ऍक्टिवपणाचा परिणाम काय होणार? याची उत्सुकता राजकीय वर्तुळाला आहे.

हे देखील पहा -

मनसे अध्यक्ष राज ठाकरे ठाणे दौरा आटोपून पुणे दौऱ्यावर आहे. तर अमित ठाकरे हे नाशिक दौऱ्यावर आहे. ठाकरे पिता-पुत्र महापालिका निवडणुकांच्या पार्श्वभूमीवर ॲक्टिव होताना पक्षाला उभारी देण्याचा प्रयत्न करत आहेत. म्हणूनच राज ठाकरे यांनी अवघ्या पंधरा दिवसाच्या आतच पुण्यासाठी दुसरा दौरा केला आहे. तर नाशिकमध्येही अमित ठाकरे पक्ष संघटनेचा दुसऱ्यांदा आढावा घेत आहेत. पुण्यात तर विधानसभा पदाधिकारी नेमण्यापासूनच राज ठाकरे यांनी लक्ष घातले आहेत. म्हणूनच शहर प्रमुखांनी घ्यायच्या मुलाखती थेट स्वतः राज यांनीच घेतल्या आहेत.

नाशिक महापालिका २०१२ ते २०१७ पर्यंत मनसेच्या ताब्यात होती. तर पुण्यातही नगरसेवकांची संख्या तिशीपर्यंत पोहोचली होती. मात्र २०१७ च्या निवडणुकीत नाशिकमध्ये मनसेची सत्ता गेली आणि पुण्यात नगरसेवकांची संख्या अवघ्या दोन वर आली. मात्र हे सगळे मागे टाकून मनसे पुन्हा एकदा उभारी घेण्याच्या तयारीत आहे. एकीकडे महाविकास आघाडी एकत्र लढणार की वेगवेगळ्या चुली मांडणार हे अजून स्पष्ट झालेले नाही. तर दुसरीकडे भाजप सारखा मोठा पक्षही मैदानात आहे. या राजकीय गणितात मात्र मनसेला किती स्पेस मिळते याकडे सर्वांच्याच्या नजरा आहेत.

Edited By - Shivani Tichkule