मंबई महापालिकेसाठी राज ठाकरे 'अ‍ॅक्शन मोड'मध्ये;विधानसभा निहाय घेणार बैठक

रुपाली बडवे

मुंबई: गेल्या काही दिवसांपूर्वी मनसे अध्यक्ष राज ठाकरे (Raj Thackeray) यांच्यावर लिलावती रुग्णालयात शस्त्रक्रिया करण्यात आली. पायाचं दुखणं वाढल्यामुळे शस्त्रक्रिया करण्यात आली. त्यामुळे ठाकरे काही दिवसांपासून विश्रांती घेत आहेत. पण आता येत्या काही महिन्यांत होणाऱ्या महापालिका निवडणुकीच्या (Election) पार्श्वभूमीवर मनसे अध्यक्ष राज ठाकरे पुन्हा एकदा सक्रिय झाले आहेत.

आगामी मुंबई आगामी महापालिका निवडणुकीच्या ( Mumbai Municipal Corporation election)पार्श्वभूमीवर राज ठाकरे मुंबई विधानसभानिहाय स्वतः आढावा बैठक घेणार आहेत. आज ईशान्य मुंबईतील मनसे पदाधिकाऱ्यांसोबत राज ठाकरे बैठक घेणार आहेत. या बैठकीत संघटनात्मक बांधणीवर चर्चा केली जाणार आहे.

आज ईशान्य मुंबईतील मनसे (Mumbai) पदाधिकाऱ्यांसोबत राज ठाकरे बैठक घेणार आहेत. ही बैठक आज सकाळी १० वाजता शिवतीर्थावर होणार आहे. या बैठकीत संघटनात्मक बांधणी तसेच सध्याची पक्षीय स्थिती, स्थानिक परिस्थितीवर चर्चा करण्यात येणार आहे. तसेच मुंबई (Mumbai) महापालिकेसाठी निवडणूक लढण्यासाठी इच्छुक असणाऱ्या पदाधिकाऱ्यांचा आढावा घेतला जाणार आहे.

दरम्यान, मुंबई महापालिकेची निवडणूक (Election) काही महिन्यांत होणार आहे. या निवडणुकीसाठी सर्वच पक्षांनी तयारी सुरू केली आहे. भाजपनेही जोरदार तयारी सुरू केली आहे. भाजपने प्रभागनिहाय बैठका घेऊन आढावा घेतला आहे, तसेच महापालिकेच्या कामावरुन शिवसेनेवर आरोपही सुरू केले आहेत. तर दुसरीकडे काँग्रेसनेही निवडणुकीची तयारी सुरू केली आहे.

शिवसेनेचे (ShivSena) ज्येष्ठ नेते एकनाथ शिंदे यांनी ४० आमदारांसह बंडे केले आहे, त्यामुळे शिवसेना प्रमुख उद्धव ठाकरेही सध्या मुंबई महापालिकेसाठी सक्रीय झाले आहेत. विभागनिहाय बैठकांचे सत्र सुरू केले आहे. आदित्य ठाकरे यांनीही युवासेनेच्या पदाधिकाऱ्यांच्या बैठका घेण्यास सुरुवात केली आहे.