अदानी समूहाला दिलेल्या धारावी पुनर्विकास प्रकल्पावरून शिवसेना ठाकरे गट शनिवारी १६ डिसेंबर रोजी विराट मोर्चा काढला. उद्धव ठाकरे यांनी या मोर्चातून अदानींसह राज्यातील सत्ताधारी भाजप आणि केंद्र सरकारवर सडकून टीका केली.
मनसे अध्यक्ष राज ठाकरे यांनी काही प्रश्न उपस्थित करत ठाकरे गटावर निशाणा साधला आहे. आता जे कुणी मोर्चा काढत आहेत त्यांना आताच का जाग आली, अशी विचारणा राज ठाकरे यांनी केली. (Latest Marathi News)
धारावी पुनर्विकाससारखा मोठा प्रकल्प मुंबईत येत आहे. मात्र तो परस्पर अदानींना का दिला? इथून सुरुवात होते. अदानींकडे असं काय आहे की विमानतळ पण तेच हाताळू शकतात, कोळसा पण तेच हाताळू शकतात, इतर गोष्टीही तेच हाताळू शकतात. सगळं अदानींनाच का? असा प्रश्न राज ठाकरेंनी उपस्थित केला. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
एवढ्या मोठ्या प्रकल्पाला बाकी कंपन्यांचे टेंडर्स देखील मागवायला पाहिजे होते. धारावीमध्ये काय विकासकामं होणार आहेत, हे सगळ्यांना कळायला पाहिजे होतं. पण ते झालं नाही. मला प्रश्न एवढात आहे की, सगळ्यांना आज का जाग आली आहे.
अदानींचं नाव जाहीर होऊन जवळपास १० महिने उलटून गेले आहेत. सेंटलमेंट नीट होत नाही म्हणून मोर्चा काढला का? असा सवाल उपस्थित करत राज ठाकरे यांनी उद्धव ठाकरेंना टोला लगावला.
धारावी खूप मोठा भाग आहे. तिथे पुनर्विकास करताना काय काय होणार आहे. सगळ्याचं एक टाऊन प्लानिंग असतं, ते सांगितलं पाहिजे. आठ-दहा महिन्यांनंतर जे जागे झाले आहेत, त्यांनी विचारलं का तिथे काय होणार आहे. मोर्चाचा दबाव आणून फक्त सेटलमेंट करायची आहे का? असा सवालही राज ठाकरे यांनी उपस्थित केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.