अक्षय बडवे
Pune News : पुण्यात राष्ट्रीय तपास यंत्रणा अर्थात NIA ने मोठी कारवाई केली आहे. ISIS संघटनेच्या रिक्रुटमेंटची जबाबदारी असलेल्या इसमाला अटक एनआयएने अटक केली आहे. पुण्याच्या कोंढवा परिसरातून डॉक्टर असलेल्या व्यक्तीला NIA कडून अटक करण्यात आली आहे.
अदनाली सरकार असं आरोपी डॉक्टरचे नाव आहे. गेल्या अनेक वर्षापासून पुण्यात राहणाऱ्या या डॉक्टरकडे ISISमध्ये तरुणांना भरती करण्याची जबाबदारी होती.
डॉ. सरकार याच्या घरातून ISIS संदर्भात अनेक कागदपत्र सापडली असून काही इलेक्ट्रॉनिक डिवाइस देखील सापडले आहेत. तरुणांना दहशतवादी संघटनेमध्ये समाविष्ट करून त्यांचे ब्रेन स्टॉर्मिंग करण्याचा सगळा प्रकार डॉक्टर अदनाली करत होता. (Latest Marathi News)
आयसिसचे मॉडेल लोकांपर्यंत पोहोचवणं ही याची मुख्य जबाबदारी होती. महाराष्ट्र हे मॉडेल पोहोचवण्यात डॉक्टर अदनाली याचा मोठा हात होता. याप्रकरणी राष्ट्रीय तपास यंत्रणेने मुंबईतून तीन आणि ठाण्यातून एका जणाला अटक केलेली आहे.
आरोपींचा इस्लामिक स्टेट (IS), इस्लामिक स्टेट ऑफ इराक अँड लेव्हंट (ISIL), इस्लामिक स्टेट ऑफ इराक अँड सिरिया (ISIS), Daish/Islamic State in Khorasan सारख्या वेगवेगळ्या नावांनी ओळखल्या जाणार्‍या ISIS च्या दहशतवादी कारवायांमध्ये सहभाग होता.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.