Pune Swargate ST Depot Case : धक्कादायक! माझ्यावर तिसऱ्यांदा अनैसर्गिक बलात्काराचा प्रयत्न, पीडितेची पत्राद्वारे व्यथा, त्या दिवशी शिवशाहीत काय घडलं?

अक्षय बडवे, साम टीव्ही, प्रतिनिधी

Swargate Case Update : पुणे स्वारगेट बलात्कार प्रकरणात धक्कादायक माहिती समोर आली आहे. पीडितेनं पाठवेल्या पत्रात आरोपी दत्ता गाडे याने तिसऱ्यांदा तिच्यावर बलात्काराचा प्रयत्न केल्याचं उघड झालेय. दत्ता गाडे याने दोन वेळा बलात्कार केला, त्यानंतर तिसऱ्यांदा अनैसर्गिक बलात्काराचा प्रयत्न केल्याची व्यथा पीडित तरूणीने मुख्यमंत्री देवेंद्र फडणवीस यांच्याकडे मांडली आहे.

२५ फेब्रुवारी रोजी पुण्यातील स्वारगेट बस डेपोत २६ वर्षीय तरूणीवर पहाटे बलात्काराची घटना घडली. या प्रकारानंतर राज्यभरात संताप व्यक्त करण्यात आला. घटनेचं गांभीर्य पाहून पोलिसांनी तात्काळ तपास सुरू केला अन् दत्ता गाडे याला त्याच्या गावातून बेड्या ठोकल्या.

स्वारगेट बस स्थानकातील शिवशाही बस मध्ये माझ्यावर आरोपी दत्ता गाडे नावाच्या व्यक्तीने बलात्कार केला. मी सुरुवातीला आरडाओरडा केला त्यानंतर माझा आवाज खोल गेला, आवाजच निघत नव्हता व त्याचवेळी माझ्या मनात बलात्काराच्या विविध घटनांमध्ये विरोध केल्याने जखमी झालेल्या मुली, मारून टाकण्यात आलेल्या गोष्टी आल्या. मी जीव वाचविणे महत्वाचे मानले. त्याने दोनदा माझ्या इच्छेविरुद्ध बलात्कार केल्यानंतर तिसऱ्यांदा अनैसर्गिक लैंगिक जबरदस्तीचा प्रयत्न केला आणि तेव्हा पूर्ण ताकदीने विरोध केला होता. कदाचित दोनदा लैंगिक अत्याचार केल्याने तो पळून गेला.

स्वारगेट शिवशाही लैंगिक अत्याचार प्रकरणातील पीडित तरुणीने मुख्यमंत्री देवेंद्र फडणवीस, उपमुख्यमंत्री यांची आज भेट घेतली. पीडित मुलीने प्रधान सचिवांना पत्र पाठवलेय. असीम सरोदे यांना विशेष सरकारी वकील म्हणून नियुक्त करावे, पीडित मुलीचा पत्राद्वारे मागणी केली आहे. आरोपी दत्ता गाडे याने दोन वेळा बलात्कार केला असल्याचे पत्रात नमूद केले आहे. पूर्ण ताकतीने विरोध केल्यानंतर दत्ता गाडे याने पळ काढला असेही पीडितेने म्हटलेय. पुरुष वैद्यकीय अधिकारी माझी इच्छा नसताना सुद्धा माझी वैद्यकीय चाचणी करायचे,असा दावाही पत्रात केलाय.