Pune News: अंगावर आधी पेट्रोल ओतलं अन् ...पोलीस ठाण्यातच तरूणानं असं का केलं?

एका तरूणानं पोलीस ठाण्यातच आत्मदहनाचा प्रयत्न केला आहे. ही धक्कादायक घटना पुण्यात घडली आहे. मारहाणीची तक्रार दाखल करूनही आरोपींवर गुन्हा दाखल होत नसल्यामुळे एकानं पोलीस ठाण्यातच आत्मदहनाचा प्रयत्न केला. मात्र, पोलिसांच्या प्रसंगावधानामुळे तरूणाचे प्राण वाचले. या घटनेनंतर पोलिसांनी आरोपीवर कारवाई केलीय.

पुण्यात एका तरूणानं पोलीस ठाण्यातच आत्मदहनाचा प्रयत्न केला आहे. ही धक्कादायक घटना पुण्यातील उरळी कांचन पोलिस ठाण्यात घडली आहे. प्राथमिक मिळालेल्या माहितीनुसार, आत्मदहनाचा प्रयत्न करणाऱ्या तरूणानं एका व्यक्ती विरोधात पोलीस ठाण्यात तक्रार दाखल केली होती.

मात्र, तक्रार दाखल करूनही आरोपीला पोलिसांनी ताब्यात घेतलं नव्हतं. तक्रार दाखल करूनही २४ तास उलटून गेले होते. पोलिसांकडून संबंधितांवर गुन्हा दाखल केला जात नव्हता. याच गोष्टीचा राग मनात धरून तरूणानं पोलीस ठाण्याच्या छतावर जात आत्मदहनाचा प्रयत्न केला.

तरूणानं अंगावर पेट्रोल ओतून आत्मदहन करण्याचा प्रयत्न केला आहे. तरूण पोलीस ठाण्यातच आत्मदहनाचा प्रयत्न करत असल्याचं पाहताच त्यांनी तरूणाकडे धाव घेतली. पोलिसांनी प्रसंगावधान दाखवून वेळीच हस्तक्षेप करत तरूणाचे प्राण वाचवले. यामुळे अनर्थ टळला. या प्रकारानंतर पोलिसांनी मारहाण करणाऱ्यावर गुन्हा दाखल केला आहे.