Pune : वॉटरपार्कमध्ये जाताय तर सावधान! शिरुरमध्ये महिलेच्या मणक्याचे चार तुकडे

Water park accident Pune : उन्हाळ्यात मस्तीसाठी वॉटरपार्कमध्ये जातायत तर सावधान... कारण वॉटरपार्कची मस्ती जीवघेणी ठरतेय... पुण्यात पुन्हा एकदा वॉटरपार्कमध्ये धक्कादायक दुर्घटना घडलीय..त्यामुळे वॉटरपार्क मृत्यूचा सापळा कसे ठरतायत... पाहूयात या स्पेशल रिपोर्टमधून...

उन्हाळ्याच्या सुट्टीत मौजमज्जा करण्यासाठी कुटुंबासोबत वॉटरपार्कमध्ये जातायत, तर वेळीच सावध व्हा....खेळण्याच्या अतिउत्साहात तुमची एक चुक तुमच्या जीवावर बेतू शकते...आम्ही असं का सांगतोय कारण शिरूर तालुक्यातील मोराची चिंचोलीतील एका कृषी पर्यटन केंद्रात घडलेली एक घटना..

जीवघेणा वॉटरपार्क

३७ वर्षांची महिला आपल्या कुंटंबासहित वॉटरपार्कमध्ये सहलीसाठी गेली..

तिथे वॉटर स्लाईडवरून घसरताना पाणीपातळी कमी असल्यानं महिला पूलमध्ये आदळली

या अपघातानंतर वॉटरपार्ककडे स्वतःची रुग्णवाहिका किंवा प्रथमोपचाराचं साहित्य नव्हतं

या अपघातात महिलेच्या पाठीचे 4 मणके तुटल्यानं अर्ध शरीर निकामी

पीडित कुटुंबाच्या फिर्यादीवरून पर्यटन केंद्राच्या मालकावर गुन्हा दाखल करण्यात आला असून एकूणच वॉटरपार्कमध्ये पर्यटकांची सुरक्षा रामभरोसे असल्याचं समोर आलंय. एप्रिल 2025 मध्ये पुण्यातील भोर तालुक्यातील एका वॉटरपार्कमध्ये झिपलाईनवरून पडून एक तरुणीचा दुर्देवी मृत्यू झाला होता.. एक वर्षांनी पुण्यातील शिरुर तालुक्यात वॉटरपार्कमध्ये महिलेचा स्लाईडवरून पडून अपघात झाल्यानं नागरिकांच्या सुरक्षेचा मुद्दा पुन्हा ऐरणीवर आलाय..

फक्त नफा कमावण्याच्या नादात पर्यटकांच्या जीवाशी खेळणाऱ्या अशा वॉटरपार्क व्यवस्थापनावर आता कठोर कारवाईची गरज आहे ? .. मात्र त्याचबरोबरत पर्यटकांनीही वॉटरपार्कमध्ये जाण्यापूर्वी तिथल्या सुरक्षा व्यवस्थेची योग्य माहिती घेणं गरजेचं आहे अन्यथा तुमची एक चुक जीवावर बेतू शकते.

रोहिदास घाडगे, साम टिव्ही न्यूज, शिरुर