![पुणे ब्लड सॅम्पल फेरफार प्रकरण; डॉक्टरांना रक्ताचे नमुने बदलण्यासाठी आर्थिक रसद कोणी पुरवली? शोध सुरु](http://media.assettype.com/saamtv%2F2024-05%2F350de224-b8bb-487a-8ea5-3f25e6ef4f72%2FPune_Hit_And_Run_Case.jpg?w=480&auto=format%2Ccompress&fit=max)
अक्षय बडवे, साम टीव्ही प्रतिनिधी
पुणे : पुणे हिट अँड रन प्रकरणात नवनवीन माहिती समोर येत आहे. या प्रकरणातील अल्पवयीन आरोपीचे रक्ताचे नमुने बदलल्याची माहिती समोर येत आहे. पोलिसांकडून आता ससून रुग्णालयातील डॉक्टरांना आर्थिक रसद पूरवणाऱ्या व्यक्तीचा शोध सुरु आहे. आरोपीच्या रक्ताचे नमुने बदलण्यासाठी डॉ. अजय तावरेला आलो रुपये दिल्याची प्राथमिक माहिती आहे.
पुणे ससून रुग्णालयातील ब्लड रिपोर्ट फेरफार प्रकरणातील आरोपीचे रक्ताचे नमुने ससून रुग्णालयातील डॉक्टरांनी बदलल्याची माहिती समोर येत आहे. अल्पवयीन आरोपीच्या रक्ताचे नमुने बदलण्यासाठी बदलण्यासाठी लाखो रुपये दिल्याची माहिती समोर आली आहे. अजय तावरेला दिलेल्या मोठ्या आर्थिक रकमेची पोलिसांकडून शोध सुरु आहे. आतापर्यंत ३ लाख रुपये पुणे पोलिसांनी जप्त केले आहेत.
कल्याणीनगर हिट ऍण्ड रन प्रकरणात रोज नवनव्या गोष्टी समोर येत आहे. पबमध्ये पार्टी केल्यानंतर अल्पवयीन आरोपी आणि त्याचे मित्र दोन गाड्यांमधून निघाले होते. त्यांनी रेस लावली होती आणि त्यामुळे दुर्घटना घडली. पोर्शे कार दुर्घटनाग्रस्त झाली. पण दुसरी कार पळून गेली. त्या कारमध्ये कोण होते, याचा शोध आता सुरू झाला आहे.
पबमध्ये पार्टी केल्यानंतर अल्पवयीन आरोपी आणि त्याचे दोन मित्र पोर्शे कारमध्ये होते.दुसऱ्या गाडीमध्ये इतर मित्र होते. आरोपी मद्यधुंद झाल्याने त्यांना पूर्ण शुद्धही नव्हती. त्या धुंदीत त्यांनी कारची रेस लावली. वेदांतने इतक्या वेगाने कार चालवली की, त्या वेगामुळे निर्माण झालेल्या आवाजाने रस्त्याच्या दुतर्फा जाणाऱ्या लोकांचे लक्ष वेधले होते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.