Pune News: पीएमपी बसला बाप्पा पावला, गणेशोत्सवात रेकॉर्ड ब्रेक उत्पन्न; कर्मचाऱ्यांमध्ये आनंदी आनंद

Pune Pmpml Bus Revenue

पुणे महानगर परिवहन महामंडळाने (PMPML) गणेशोत्सवात घसघशीत कमाई केली. गणपती उत्सवाच्या काळात पीएमपी प्रशासनाला तब्बल १९ कोटी रुपयांचे उत्पन्न मिळाले. गेल्या वर्षीच्या तुलनेत यंदा पीएमपीचे उत्पन्न तब्बल २४ लाखांनी वाढले. त्यामुळे कर्मचाऱ्यांमध्ये आनंदाचं वातावरण आहे. (Latest Marathi News)

उत्पन्न आणि प्रवासी संख्या वाढत असल्यामुळे ‘पीएमपी’ला दिलासा मिळाला आहे. पुणे शहराची महत्त्वाची सार्वजनिक वाहतूक व्यवस्था म्हणून ‘पीएमपी’कडे पाहिलं जातं. दिवसभरात जवळास दहा ते बारा लाख पुणेकर पीएमपी बसमधून प्रवास करतात.

प्रवाशांचा प्रवास सुखकर व्हावा यासाठी ‘पीएमपी’कडून १६५० बसच्या माध्यमातून ३७१ मार्गांवर सेवा दिली जाते. यंदाच्या गणेशोत्सवादरम्यान पुण्यात रात्रभर ‘पीएमपी’ बससेवा सुरू होती. त्यामुळे भाविकांना वेळेवर बाप्पाचं दर्शन घेता आलं.

कर्मचाऱ्यांनी दिवस रात्र न बघता ‘पीएमपी’ सेवा सुरळीत ठेवली. गणेशोत्सवात पुणे शहरासह उपनगरात ‘पीएमपी’च्या ६७२ अतिरिक्त बस सुरू होत्या. या बसेसच्या माध्यमातून पीएमपी प्रशासनाला तब्बल १९ कोटी रुपयांचे उत्पन्न मिळाले. त्यामुळे कर्मचाऱ्यांमध्ये आनंदाचं वातावरण आहे.

Edited by - Satish Daud