Vikas Tingre News: काँग्रेसचे पदाधिकारी विकास टिंगरेंनी संपवलं आयुष्य; नेमकं कारण काय?

अक्षय बडवे

Pune News Today: पुण्यातून एक धक्कादायक घटना समोर आली आहे. पुणे शहर काँग्रेसचे विश्रांतवाडी ब्लॉक अध्यक्ष विकास टिंगरे यांनी गळफास घेऊन आत्महत्या केल्याची घटना घडली आहे. ही घटना मंगळवारी (ता. २३) दुपारच्या सुमारास घडली आहे. या घटनेमुळे एकच खळबळ उडाली आहे. (Latest Marathi News)

नेहमीप्रमाणे टिंगरे हे त्यांच्या कार्यालयात आले होते. ते दुपारी जेवले नसल्यामुळे कार्यालयातील कर्मचाऱ्यांनी त्यांच्या केबिन मध्ये जाऊन पाहिल्यानंतर त्यांनी आत्महत्या केल्याचे आढळून आले. त्यानंतर त्यांना तात्काळ जवळील रूग्णालयात (Hospital) दाखल करण्यात आले. मात्र, डॉक्टरनी त्यांना मृत घोषित केले. पुण्यातील (Pune) पोरवाल रोड धानोरी येथील त्यांच्या पतसंस्थेच्या कार्यालयात त्यांनी आत्महत्या केली. (Pune News)

घटनास्थळी विमानतळ पलिसांनी जाऊन मृतदेह शवविच्छेदनासाठी ससून रुग्णालयात पाठवला आहे. मात्र, टिंगरे यांनी आत्महत्या का केली याचे नेमके कारण अद्याप समजू शकलेले नाही. या प्रकरणी पुढील तपास विमानतळ पोलीस करीत आहेत.