धक्कादायक! पळत पळत पाठलाग, नंतर केस धरून ओढलं; निर्मनुष्य रस्त्यावर युवतीला मारहाण| Video Viral

सागर आव्हाड, साम प्रतिनिधी

हुंड्यासाठी एका विवाहितेनं आत्महत्या केल्याची घटना घडल्यानंतर महिलांच्या सुरक्षेचा प्रश्न पुन्हा ऐरणीवर आलाय. वैष्णवी हगवणे प्रकरणावरून सरकारवर विरोध टीका करत आहेत. महिला सुरक्षेचा प्रश्न ऐरणीवर आला असतानाच पुण्यातील आणखी एक धक्कादायक व्हिडिओनं खळबळ माजलीय. पुण्यातील वारजे परिसरात एका तरुणाने निर्मनुष्य रस्त्यावर एका मुलीला मारहाण केल्याची घटना घडलीय.

वारजे परिसरातील निर्मनुष्य रस्त्यावर एका युवकाने युवतीला मारहाण केलीय. या मारहाणीचा व्हिडिओ सोशल मीडियावर व्हायरल होत आहे. दरम्यान याप्रकरणी पोलीस उपायुक्तांनी चौकशीचे आदेश दिलेत. हे युवक आणि युवती कोण आहेत याची ओळख पटली नाहीये. पोलीस व्हिडिओच्या आधारे शोध घेत आहेत. व्हायरल झालेल्या व्हिडिओमध्ये आपण पाहू शकतो की, युवक आणि युवती दोन्ही एकमेकांच्या ओळखीचे असल्याचं दिसत आहेत. र

स्त्याच्या बाजुला ते दोघे एका दुचाकीजवळ उभे असल्याचं दिसत आहेत. तेथे ते एकमेकांशी बोलताना दिसत आहेत. सुरुवातीला मुली मुलावर राग काढताना दिसत आहे. मुलगी रागाने बोलताना दिसत आहे. मुलीचं बोलणं झाल्यानंतर मुलगी तेथून निघून जाते. त्यानंतर मुलगा तिच्या पाठीमागे पळत जातो. तिला थांबवतो, नंतर तिला ओढत ओढत दुचाकीजवळ आणतो. नंतर तो मुलीला रागवताना दिसतोय. बोलतानाच तोच तिच्या कानशिलात एक लगावतो. त्यानंतर मुलगी त्याच्याशेजारी उभी राहते. तो मुलगा मोबाईलवर तिला काहीतरी दाखवतो.