अक्षय बडवे, साम टीव्ही
Pune Shaniwarpeth News: पुणे शहरातून एक भयानक घटना समोर आली आहे. इमारतीच्या ६ व्या मजल्यावरून पडून एका वृध्द महिलेचा जागीच मृत्यू झाला आहे. ही दुर्देवी घटना शनिवार पेठ परिसरात शुक्रवारी सकाळच्या सुमारास घडली. विजया दुदाठे (वय ७६) असे मृत्युमुखी पडलेल्या वृध्द महिलेचे नाव आहे.
या घटनेनं परिसरातून हळहळ व्यक्त होत आहे. मिळालेल्या माहितीनुसार, विजया दुदाठे या शनिवार पेठेतील एका इमारतीत त्यांच्या कुटुंबियांसोबत राहत होत्या. काही महिन्यांपासून त्यांना सातत्याने भोवळ येत होती. याशिवाय विजया आजारी सुद्धा होत्या.
दरम्यान, आज सकाळी नेहमीप्रमाणे विजया इमारतीवर सहाव्या मजल्यावर असलेल्या मंदिराचे दर्शन घेण्यासाठी गेल्या. खाली उतरत असताना त्यांना अचानक चक्कर आली आणि त्या गॅलरीतून थेट खाली कोसळल्या. या घटनेत विजया यांच्या डोक्याला गंभीर इजा झाल्याने त्यांचा जागीच मृत्यू झाला.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.