Shocking : चालक आणि नर्सच्या प्रेमाचा धक्कादायक शेवट! गर्लफ्रेंडनेच कुऱ्हाडीने वार करून बॉयफ्रेंडला संपवलं

पैशांवरून झालेल्या भांडणातून गर्लफ्रेंडने वाहन चालक बॉयफ्रेंडला कुऱ्हाडीने वार करून संपवलं. सात वर्षांपूर्वी घडलेल्या या प्रकरणात आरोपी गर्लफ्रेंडला पुणे न्यायालयाने शिक्षा सुनावली आहे. कोर्टाकडून आरोपी गर्लफ्रेंडला जन्मठेप आणि पंचवीस हजार दंडाची शिक्षा सुनावण्यात आली आहे.

सविता प्रकाश जाधव असे आरोपी महिलेचे नाव आहे. तर प्रवीण ज्ञानोबा भाग्यवंत असे हत्या झालेल्या व्यक्तीचे नाव आहे. हत्या केल्या प्रकरणी मृत प्रवीणच्या पत्नीने पिंपरी पोलीस ठाण्यात गुन्हा दाखल केला होता. ही घटना 3 सप्टेंबर 2018 रोजी सायंकाळी पिंपरी चिंचवडमध्ये विठ्ठलनगर येथील एका सोसायटीत घडली होती.

काय आहे संपूर्ण प्रकरण?

प्रवीण भाग्यवंत हा पिंपरी-चिंचवड महापालिकेत वाहन चालक म्हणून कार्यरत होता. तर सविता ही नर्स म्हणून काम करायची. दोघांमध्ये आठ वर्षापासून प्रेमसंबंध होते. त्यांच्यात पैशाच्या कारणांवरून वाद सुरू होते. त्यातून सविताने प्रविणच्या गळा, छाती आणि डोक्यात कुऱ्हाडीने वार केले होते. या हल्ल्यात गंभीर जखमी झालेल्या प्रवीणचा उपचारादरम्यान मृत्यू झाला.

पोलिसांनी गुन्हा दाखल करून आरोपी सविताला अटक करून न्यायालयात आरोपपत्र दाखल केलं होतं. यावरून पुणे सत्र न्यायालयाने सविताला जन्मठेपेची शिक्षा सुनावली आहे.