Pune Crime News: सहकार मंत्र्यांचा सचिव असल्‍याचे सांगत ५९ लाख रूपयांचा गंडा

सचिन जाधव

पुणे : पुण्यात सहकार मंत्र्यांचे सचिव असल्याचे सांगून गृहकर्ज कमी करुन देतो. तसेच लिलाव झालेला (Pune News) बंगला परत मिळवून देतो; असे सांगून एका सेवानिवृत्त ज्येष्ठ नागरिकाला तिघांनी तब्बल ५९ लाख रुपयांना गंडा घातला आहे. याबाबत येरवडा येथील (Police) पोलिस स्‍टेशनला गुन्‍हा दाखल केला आहे. (Breaking Marathi News)

फिर्यादी हे सेवानिवृत्त असून त्यांची मुले चांगल्या पगाराची नोकरी करतात. त्यांनी कल्याणीनगर येथील बंगला विकत घेण्यासाठी एचडीएफसी (Bank) बँकेकडून ४ कोटी रुपयांचे कर्ज घेतले होते. परंतु, कोरोना काळात त्यांचे गृहकर्जाचे हप्ते थकले. त्यामुळे बँकेने त्यांच्या बंगल्याचा लिलाव करण्याची नोटीस बजावली होती. गोरख तनपुरे व विशाल पवार यांनी गगन रहांडगळे याची सहकार मंत्री बाळासाहेब पाटील यांचे सचिव असल्याचे खोटे (Fraud) सांगून ओळख करुन दिली. त्याने बँकेचे गृहकर्ज कमी करुन देतो. तसेच त्यांचे लिलाव झालेले घर त्यांना परत मिळवून देतो; असे सांगून त्यांच्याकडून वेगवेगळी कारणे सांगून वेगवेगळ्या खात्यांवर पैसे आरटीजीएस (RTGS) करायला सांगितले.

तिघांवर गुन्‍हा दाखल

सदर फिर्यादीने कल्याणीनगर शाखा येथील बँक खात्यातून त्यांना एकूण ५९ लाख रुपये काढून दिले. असे असताना त्यांचे काही एक काम केले नाही. त्यांचा लिलाव झालेला बंगलाही परत मिळवून दिला नाही. त्यामुळे त्यांनी दिलेले पैसे परत मागितले. परंतु, त्यांनी पैसे परत करण्यास टाळाटाळ केली. यानंतर ५९ वर्षाच्या नागरिकाने येरवडा पोलीस ठाण्यात फिर्याद दिली. त्यानुसार पोलिसांनी गोरख तनपुरे (वय ४०), विशाल पवार (वय ३५, दोघे रा. पुणे), गगन केशव रहांडगळे (वय ३८, रा. नागपूर) यांच्यावर गुन्हा दाखल केला आहे. हा प्रकार कल्याणीनगरमध्ये ऑक्टोबर २०२१ ते आतापर्यंत घडला आहे.