पावसाळ्यामध्ये लोणावळ्यामध्ये (Lonavala) फिरण्यासाठी जाणाऱ्या पर्यटकांसाठी आनंदाची बातमी आहे. पुणे आणि मुंबईवरून लोणावळ्यात येणाऱ्या पर्यटकांना आता भुशी डॅमवर (Bhushi Dam) जाऊन आनंद घेता येणार आहे. कारण भुशी डॅम ओव्हर फ्लो झाला आहे. गेल्या दोन दिवसांपासून पडणाऱ्या मुसळधार पावसामुळे भुशी डॅम आज ओव्हर फ्लो झाला आहे. त्यामुळे पर्यटकांना प्रचंड आनंद झाला आहे.
लोणावळा भागातील स्थानिक व्यवसायिक आणि पर्यटक मागील महिनाभरापासून भुशी डॅम ओव्हर फ्लो होण्याची आतुरतेने वाट पहात होते. अखेर आज तो क्षण आला. लोणावळा परिसरात शुक्रवार, शनिवारी झालेल्या जोरदार पावसामुळे आणि रविवारी सकाळपासून झालेला पावसामुळे भुशी डॅम ओव्हर फ्लो झाला आहे. भुशी डॅमच्या सांडव्यावरून पाणी वाहू लागले आहे. त्यामुळे आज लोणावळ्यात फिरण्यासाठी आलेल्या पर्यटकांना प्रचंड आनंद झाला आहे. मोठ्यासंख्येने पर्यटकांनी भुशी डॅमवर गर्दी केली आहे.
पावसाळी पर्यटनाचे मध्यवर्ती ठिकाण असलेल्या लोणावळा शहरातील भुशी धरणावरील वर्षाविहार हा पर्यटकांचा आनंदाचा आणि आकर्षणाचा विषय असतो. मागील काही दिवसांपासून स्थानिक नागरीक आणि पर्यटक लोणावळ्यातील भुशी धरण ओव्हर फ्लो होण्याची वाट पहात होते. धरणाच्या पायऱ्यांवरून पाणी वाहू लागल्याने स्थानिक विक्रेत्यांनी जल्लोष केला. तसेच पर्यटकांनी देखील आनंद व्यक्त केला आहे. भुशी डॅमवर येणाऱ्या पर्यटकांमुळे स्थानिकांना या काळात पैसे कमावण्याची संधी असते. त्यामुळे आता भुशी डॅम ओव्हर फ्लो झाल्यामुळे स्थानिकांना देखील आनंद झाला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.