Pune News: पुणेकरांसाठी खुशखबर! खडकवासला प्रकल्पातील पाणीसाठा दीडपटीने वाढला; वाचा ताजी आकडेवारी

5 TMC Water Storage In Khadakwasla Dam: पुणे शहरात खडकवासला धरण साखळी क्षेत्रामध्ये पूरक पाऊस झालाय. त्यामुळे धरणात एकूण पाच टीएमसी पाणीसाठा आहे.
खडकवासला प्रकल्पातील पाणीसाठा
Pune Water SupplySaam Tv

अक्षय बडवे, साम टीव्ही पुणे

पुणेकरांसाठी आता मोठी खुशखबर आहे. पुणे शहराला पाणीपुरवठा करणाऱ्या धरण साखळी क्षेत्रामध्ये पूरक पाऊस पडला आहे. त्यामुळे खडकवासला धरण साखळी क्षेत्रामध्ये एकूण पाच टीएमसी पाणीसाठा झाला आहे. पावसाला सुरूवात झाल्यानंतर फक्त आठ दिवसांतच एकूण दीड टीएमसी पाणीसाठा वाढल्याचं समोर आलंय.

आठ दिवसांतच दीड टीएमसी पाणीसाठा वाढला

चारही धरणांमध्ये मिळून शहराला महिनाभर पुरेल एवढा पाणीसाठा सध्या शिल्लक (Pune News) आहे. खडकवासला, पानशेत, वरसगाव आणि टेमघर या चार धरणांमध्ये २६ जून या दिवशी ३.५० टीएमसी पाणीसाठा शिल्लक होता. हा पाणीसाठा बुधवारी ४.९९ टीएमसी झाला आहे. त्यामुळे सध्या पुणेकरांवरील पाणीसंकट दूर झाल्याचं चित्र आहे.

पुणेकरांमध्ये आनंदाचं वातावरण

पुणेकरांची २५ जूनपासून चिंता वाढली (Khadakwasla Dam Water Storage) होती. कारण शहराला पाणी पुरवठा करणाऱ्या खडकवासला धरणातील पाणीसाठ्यामध्ये घट झाली होती. खडकवासला प्रकल्पाच्या चार धरणांमध्ये फक्त ३.५८ टीएमसी पाणीसाठा शिल्लक राहिला होता. त्यामुळे पुणेकरांना पाणीकपातीची टांगती तलवार होती. परंतु सध्या ही चिंता आता मिटली असल्याने पुणेकरांमध्ये आनंदाचं वातावरण आहे.

खडकवासला प्रकल्पातील पाणीसाठा
Dombivali Water Supply: डोंबिवली एमआयडीसी भागातील रहिवासी पाणीटंचाईने त्रस्त; एमआयडीसी कार्यालयात महिलांचे ठिय्या आंदोलन

पाणीसाठ्यात आणखी वाढ होण्याची चिन्हे

राज्यात पुढील दोन दिवस जोरदार पाऊस होणार असल्याचा अंदाज पुणे वेधशाळेने वर्तवविला (Heavy Rain) आहे. पुण्यात देखील जोरदार पावसाचा इशारा वेधशाळेने दिलाय. त्यामुळे या पाणीसाठ्यात आणखी वाढ होण्याची चिन्हे दिसत आहे. पुढील दोन दिवस विदर्भ, मध्य महाराष्ट्र, खानदेश आणि कोकणात सर्वाधिक पाऊस होण्याची शक्यता हवामान विभागाने वर्तविली आहे. मागील वर्षी पाऊस कमी झाल्यामुळे संपूर्ण राज्याला पाणीसंकटाला सामोरं जावं लागलं (Pune Water Supply) होतं.

खडकवासला प्रकल्पातील पाणीसाठा
Water Training Video : वाहत्या पाण्यात समुहाने अडकलात तर कसा वाचवाल जीव? हवामान तज्ज्ञांनी शेअर केला VIDEO

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com