Pune Crime News : धावत्या PMPML बसमध्ये महिलेसमोरच प्रवाशाचे घाणेरडं कृत्य, पुण्यातील संतापजनक घटना

सचिन जाधव

Pune Crime Update News In Marathi : पुण्यात धावत्या पीएमपीएमएल बसमध्ये धक्कादायक घटना घडली आहे. एका प्रवाशानं महिलेसमोरच अश्लील चाळे केले. या प्रकरणी महिलेने पोलिसांत तक्रार केल्यानंतर संबंधिताविरोधात गुन्हा नोंदवण्यात आला आहे.

पुण्यातील लोहगाव येथील संजय पार्क परिसरात ही संतापजनक घटना घडली. धावत्या पीएमपीएमएल (PMPML Bus) मध्ये एका प्रवासी महिलेचा अनोळखी व्यक्तीने विनयभंग केला. संशयित आरोपीने महिलेसमोरच अश्लील चाळे केले. हडपसर ते निगडी या दरम्यान प्रवास करणाऱ्या महिलेसोबत ही घृणास्पद घटना घडली आहे. (Latest Marathi News)

मिळालेल्या माहितीनुसार, पुण्यातील (Pune) लोहगाव येथील संजय पार्क परिसरात ही धक्कादायक घटना घडली आहे. या प्रकरणी २७ वर्षीय महिलेने तक्रार दिली. त्यानंतर विमानतळ पोलीस (Vimantal Police Station) ठाण्यात गुन्हा दाखल करण्यात आला आहे.

पीडित महिला हडपसर ते निगडी या बसने प्रवास करत होती. बसमध्ये चालकाच्या डाव्या बाजूला असलेल्या सीटवर त्या बसलेल्या असतानाच अनोळखी व्यक्तीने तिच्यासमोर येत घाणेरडे चाळे केले. या प्रकरणी पीडितेने तक्रार दाखल केल्यानंतर पोलिसांनी संबंधित संशयित आरोपीविरोधात गुन्हा नोंदवला आहे. या प्रकरणी विमानतळ पोलीस अधिक तपास करत आहेत.