Pune Fraud: डेटिंग ॲपवर ओळख, सुंदर तरुणीच्या जाळ्यात फसला; लॉजवर भेटायला बोलावले अन्.. तरुणासोबत घडलं भयंकर

अक्षय बडवे, प्रतिनिधी

Dating App Fraud Pune:

सीकिंग एडवेंचर या डेटिंग साईटवर अनोळखी मुलीशी चॅटिंग करणे पुण्यातील एका 36 वर्षीय व्यक्तीला चांगलेच महागात पडले आहे. या तरुणीने तरुणाला तब्बल ९०,००० रुपयांचा गंडा घातल्याचे उघडकीस आले आहे. सिंहगड रोड पोलीस स्टेशनच्या हद्दीत हा संपूर्ण प्रकार घडला. याप्रकरणी संबंधित तरुणी आणि एका तरुणास अटक करण्यात आली आहे.

यासंदर्भात सविस्तर माहिती अशी की, फिर्यादी आणि तरुणीची एका डेटिंग साईटवर ओळख झाली. या तरुणीने आपले फोटो टेलिग्रामवर पाठवत तरुणाला भेटायचे असल्याचे सांगितले. तरुणीच्या या जाळ्यात फसलेल्या तरुणानेही भेटण्याची तयारी दर्शवली आणि शहरातील एका हॉटेलमध्ये रुम बूक केली. (Pune News)

त्याआधी तरुणीने फिर्यादी तरुणाला १२ हजार रुपये स्वतःच्या अकाउंटवर ट्रान्सफर करण्यास सांगितले. तरुणीच्या जाळ्यात अडकलेल्या तरुणाने लगेच पैसेही पाठवले. मात्र त्यानंतर तरुणीची मागणी वाढत गेली आणि तिने आणखी ३८ हजार रुपये ट्रान्सफर करण्यास सांगितले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

यावेळी मात्र फिर्यादीने पैसे ट्रान्सफर करण्यास नकार दिला. यावर आरोपी तरुणीने हॉटेलच्या बाहेर थांबलेल्या एका व्यक्तीला आतमध्ये बोलावले. त्या व्यक्तीने आत आल्यानंतर फिर्यादीला मारहाण करत जबरदस्तीने पैसे ट्रान्सफर करण्यास भाग पाडले. या घटनेनंतर फिर्यादीने पोलीस ठाण्यात धाव घेत तक्रार दाखल केली. पोलिसांनी या प्रकरणी नितीश सिंग आणि पूजा भट या दोघांना अटक केली आहे. (Latest Marathi News)