Pune News : स्विमिंगपूलमध्ये पडून दोन वर्षीय चिमुकलीचा मृत्यू; लोणावळ्यातील दुर्देवी घटना

दिलीप कांबळे, साम टीव्ही

मावळ : मॅजिक बॉल गिळल्याने नाशकातील दीड वर्षीय मुलाचा मृत्यू झाल्याची घटना ताजी असतानाच लोणावळ्यातून (Pune) एक धक्कादायक बातमी समोर आली आहे. लोणावळ्यात स्विमिंग पूलमध्ये पडून एका दोन वर्षीय चिमुकलीचा दुर्देवी मृत्यू झाला आहे. प्रिछलीहिल भागातील एका बंगल्याच्या स्विमिंगपूलमध्ये ही घटना घडली. हानियाझैरा मोहम्मदनदिम सैयद (वय 2 वर्ष) असे मयत झालेल्या बालिकेचे नाव आहे. (Latest Marathi News)

लोणावळा शहर पोलिसांनी (Police) दिलेल्या माहितीनुसार कार्निवल विला बंगलो, प्रिचली हिल बार्क हॉटेलचे पाठीमागे लोणावळा येथे ही दुर्घटना घडली. मोहम्मदनदिम सैयद हे इतर सदस्यांसोबत बंगल्यात नाष्टा करत असताना बाहेर असलेल्या स्विमिंग पूल मध्ये ही दुर्घटना घडली.

बाहेरून अचानक ओरडण्याचा आवाज आल्याने ते सर्वजण बाहेर गेले असता त्यांना हानियाझैरा ही पाण्यात पडलेली दिसली. त्यांनी तिला तातडीने पाण्यातून बाहेर काढत उपचारासाठी रुग्णालयात दाखल केले. मात्र, रुग्णालयात जाण्यापूर्वीच हानियाझैराचा मृत्यू झाला होता. या दुर्देवी घटनेनं हळहळ व्यक्त होत आहे.

नाशकात मॅजिक बॉल गिळल्याने चिमुकल्याचा मृत्यू

 नाशिकमध्ये (Nashik) मॅजिक बॉल गिळल्याने एका १८ वर्षाच्या चिमुकल्याचा दुर्देवी मृत्यू झाला आहे. शिवांश संकेत बोराडे असं मृत्युमुखी पडलेल्या चिमुकल्याचं नाव आहे. वडिलांनी दुर्लक्ष केल्यामुळे शिवांश याचा मृत्यू झाला असल्याचा आरोप त्याच्या आईने केला आहे. इतकंच नाही, तर या महिलेने तिच्या पतीविरोधात पोलिसांत तक्रार देखील दाखल केली आहे. महिलेच्या तक्रारीवरून उपनगर पोलिसांत गुन्हा दाखल करण्यात आला आहे.

मिळालेल्या माहितीनुसार, तक्रारदार महिला आणि तिच्या पतीमध्ये काही दिवसांपासून वाद सुरू होते. कौटुंबीक मतभेदामुळे १८ महिन्यांचे बाळ घरात असल्याचे माहित असताना देखील पतीने त्याला खेळण्यासाठी मॅजिक बॉल आणला, असा आरोप शिवांश याच्या आईने केला आहे. 

Edited By - Satish Daud