Pune CNG Pump : पुणेकरांसाठी महत्वाची बातमी! उद्यापासून 'या' भागातील सीएनजी पंप अनिश्चित काळासाठी बंद

पुणेकरांसाठी महत्वाची बातमी हाती आली आहे. पुण्यात सीएनजी पंप चालकांनी बेमुदत पंप पुकारला आहे.
CNG pump
CNG pump Saam Tv

सचिन जाधव

Pune News : पुणेकरांसाठी महत्वाची बातमी हाती आली आहे. पुण्यात सीएनजी पंप चालकांनी बेमुदत पंप पुकारला आहे. त्यामुळे पुण्यातील ग्रामीण भागातील सीएनजी पंप उद्यापासून अनिश्चित काळासाठी बंद राहणार आहे. सीएनजी पंप बंद राहणार असल्याने पुण्यातील सार्वजनिक वाहतूक व्यवस्थेवर परिणाम होण्याची शक्यता आहे. (Latest Marathi News)

CNG pump
Eknath Shinde : राज्यात अपघाताचं प्रमाण कमी करण्यासाठी राज्य सरकारचं महत्वाचं पाऊल; मुख्यमंत्र्यांनी दिले 'हे' आदेश

पुण्यातील (Pune) ग्रामीण भागातील सीएनजी (CNG) पंप चालकांनी बेमुदत संप पुकारला आहे. त्यामुळे उद्यापासून पुण्याच्या ग्रामीण भागातील सीएनजी पंप बंद राहणार आहे. टोरंट कंपनीने नफ्याचा हिस्सा न दिल्याने पुणे ग्रामीणमधील सर्व पंप चालकांनी बेमुदत संप पुकारला आहे.

पुणे शहरातील 'एमएनजीएल'ची सेवा मात्र नेहमीप्रमाणे सुरू राहणार आहे. टोरंट कंपनीने नफ्फ्याचा हिस्सा न दिल्याने पुणे जिल्ह्यातील ग्रामीण भागातील सर्वच सीएनजी पंप बेमुदत काळासाठी बंद ठेवण्याचा चालकांचा इशारा दिला आहे.

पेट्रोल-डिझेल असोसिएशनचे अध्यक्ष ध्रुव रुपारेल म्हणाले, 'उद्यापासून टोरंट कंपनीच्या डीलरने सीएनजी खरेदी-विक्री न करण्याचा निर्णय घेतला आहे. पेट्रोलियम मंत्रालयाने १-११-२०२१ रोजी सीएनजी विक्रीतील नफ्फ्याच्या हिस्साचं सुधारित परिपत्रक जारी केलं होतं. त्यानंतरही टोरंट कंपनीने एकही रुपया वाढवून दिला नाही'.

CNG pump
Nana Patole : प्रकाश आंबेडकरांच्या वक्तव्यावर नाना पटोले यांची प्रतिक्रिया; म्हणाले, आपले दुकान चालवायला...'

'टोरंट कंपनीशी चर्चा करून अनेक संप मागे घेतला. पण आता सीएनजी चालकांचं खूप नुकसान झालं आहे. त्यामुळे प्रत्येक सीएनजी पंप चालकांचं २० लाखांचं नुकसान झालं आहे. यामुळे सीएनजी पंप चालवणे अवघड झाले आहे. त्यामुळे सीएनजी पंप चालक बेमुदत संपावर जाण्याचा निर्णय घेतला आहे, असे पेट्रोल-डिझेल असोसिएशनचे ध्रुव रुपारेल यांनी सांगितले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com