पुण्यामध्ये भयंकर अपघात झाला. सिमेंट काँक्रीटच्या मिक्सर ट्रकने ११ वर्षांच्या मुलीला चिरडलं. या अपघातामध्ये मुलीचा दुर्दैवी मृत्यू झाला. या अपघाताचा थरार सीसीटीव्हीमध्ये कैद झाला आहे. हा व्हिडीओ सध्या व्हायरल होत आहे. या प्रकरणी ट्रक चालकाविरोधात पोलिसांनी गु्न्हा दाखल करत त्याला अटक केली. या अपघातानंतर आरोपीविरोधात कडक कारवाई करण्याची मागणी केली जात आहे.
मिळालेल्या माहितीनुसार, हिंजवडी आयटी पार्कमध्ये काळजाचा ठोका चुकवणारी ही घटना घडली. गणपतीच्या बुकिंगसाठी गेलेल्या ११ वर्षांच्या मुलीचा अपघातामध्ये दुर्दैवी मृत्यू झाला. सिमेंट काँक्रीट मिक्सरच्या ट्रक चालकाच्या बेजबाबदारपणामुळे या मुलीचा मृत्यू झाला. अंगावर ट्रकचा टायर गेल्यामुळे ही मुलगी गंभीर जखमी झाली आणि तिचा मृत्यू झाला.
प्रत्युषा संतोष बोराटे असं या मृत मुलीचे नाव आहे. प्रत्युषा आईसोबत गणपतीचे बुकिंग करण्यासाठी जात होती. दोघीही दुचाकीवरून जात होत्या. यावेळी सिमेंट मिक्सर ट्रकने त्यांच्या दुचाकीला धडक दिली. त्यानंतर प्रत्युषा रस्त्यावर पडली. यावेळी ट्रकच्या मागच्या चाकाखाली ती चिरडली जाते. आईच्या डोळ्यासमोर प्रत्युषाने प्राण सोडले. प्रत्युषाचा मृत्यूमुळे तिच्या कुटुंबीयांना मोठा धक्का बसला.
अपघाताची ही घटना १२ ऑगस्ट रोजी घडली होती. या अपघाताचा सीसीटीव्ही व्हिडीओ समोर आला आहे. काळजाचा ठोका चुकवणारा हा व्हिडीओ पाहून नागरिक हळहळ व्यक्त करत आहेत. या प्रकरणी पुणे पोलिसांनी ट्रक चालकाविरोधात गुन्हा दाखल केला. त्याच्या बेजबाबदारपणामुळे ही घटना घडली. याप्रकरणी त्याला अटक करण्यात आली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.