दुचाकी स्लीप झाली अन् धावत्या ट्रेलरखाली चिरडून दोघांचा मृत्यू, काळजाचा ठोका चुकवणारा व्हिडिओ

सागर आव्हाड, पुणे प्रतिनिधी

Pune tragic accident CCTV video goes viral : पुण्यात काळजाचा ठोका चुकवणारा अपघात झालाय. दुचाकी अचानक स्लीप झाली अन् धावत्या ट्रेलरच्या चाकाखाली आली. दुचाकीवरील दोघांचाही या अपघातात चिरडून मृत्यू झालाय. या भयंकर अपघाताचा व्हिडिओ समोर आलाय. चाकण-तळेगाव मार्गावर हा अपघात झाला आहे. या अपघात एकाचा जागीच मृत्यू झाला, तर दुसऱ्याने रूग्णालयात उपचारावेळी प्राण सोडले. अपघाताचा व्हिडिओ व्हायरल झाल्यानंतर हळहळ व्यक्त करण्यात येत आहे.

खालुम्ब्रे येथील हुंडाई चौकात आज सकाळी साडे सहाच्या सुमारास हा अपघात झाला. दोन जण दुचाकीवरून कामाला निघाले होते, त्यावेळी चाकण तळेगाव मार्गावर अचानक दुचाकी स्लीप झाली. त्यामुळे ट्रेलरच्या चाकाखाली दुचाकी गेली. दुचाकीवर पाठीमागे बसलेला व्यक्तीचा जागीच मृत्यू झाला. तर चालकाला तात्काळ रूग्णालयात उपचारासाठी दाखल करण्यात आले, पण गंभीर जखमी झाल्यामुळे डॉक्टरांना वाचवण्यात अपयश आले.

चाकण तळेगाव मार्गावर झालेल्या अपघातामध्ये कामगार गजानन बाबुराव बोलकेकर याचा जागीच मृत्यू झाला. या कामगाराच्या शरीराचा अक्षरशः चंदामेंदा झाला. दुसरा व्यक्तीही गंभीर जखमी झाला होता. चाकण-तळेगावमध्ये झालेला हा अपघात भीषण आणि भयावह होता. व्हिडिओ पाहिल्यानंतर अंगावर काटा येतो. धावत्या ट्रेलरखाली आल्यामुळे त्या व्यक्तीच्या शरीराचा चेंदामेंदा झाला.

अपघाताची माहिती मिळताच पोलिसांनी घटनास्थळी घेतली. जखमीला तातडीने रूग्णालयात दाखल करण्यात आले, पण तो उपचारावेळी मृत्यू पावला. पोलिसांनी वाहतूक सुरळीत केली. पंचनामा करत अपघाती मृत्यूची नोंद केली आहे. दरम्यान, चाकण तळेगाव मार्गावर मोठ्या प्रमाणात खड्डे पडले आहेत. त्यामुळे अपघात होत आहेत, असा आरोप स्थानिकांनी केला.