Pradeep Purnekar Case: 5वा आरोपी राजेंद्र शिंदेच; २६ दिवसांनंतर पूर्णेकर हत्या प्रकरणात नवी अपडेट; हॉटेलमधला CCTV व्हिडिओ आला समोर

ठाण्यातील ठाकरे गटाचे नेते प्रदीप पूर्णेकर हत्या प्रकरणात २६ दिवसानंतर नवी अपडेट हाती आलीय. या हत्याप्रकरणातील पाचव्या आरोपीबाबतचा पुरावा पूर्णेकर यांनी पोलिसांना दिलाय. दरम्यान हा पाचवा आरोपी राजेंद्र शिंदेच असल्याचं दावा प्रदीप पूर्णेकर यांचा राम पूर्णेकर आणि पूर्णेकर कुंटुंबियांनी केलाय. राम पूर्णेकर यांनी एका हॉटेलमधील सीसीटीव्ही फुटेज पोलिसांना दिलेत. या फुटेजमध्ये राम शिंदे दिसत आहेत. त्यावरून पाचवा आरोपी हा राम शिंदेच आहे, असा दावा पूर्णेकर कुटुंबियांनी केलाय.

याप्रकरणातील अधिक माहितीनुसार, ठाण्यातील एका कॅपेमधील हा सीसीटीव्ही व्हिडिओ आहे, यात राम शिंदे इतर आरोपींसोबत दिसत आहेत. त्याचदरम्या त्यांनी प्लॅन केला असावा. असा दावा राम पूर्णेकर यांनी केलाय. ठाण्याचे माजी महापौर मिनाक्षी शिंदे आणि राम शिंदे यांना त्वरीत अटक करावी, अन्यथा ठाण्याचे पालकमंत्री एकनाथ शिंदे आणि मुख्यमंत्री देवेंद्र फडणवीस यांच्या निवासस्थानाबाहेर उपोषण करू, असा इशारा राम पूर्णेकर यांनी दिलाय.

दरम्यान या हत्या प्रकरणाला २६ दिवस पूर्ण झाली आहेत, तरीही या प्रकरणी पोलिसांनी एफआयआरमध्ये अद्यापही संशयित आरोपी राम पूर्णेकर आणि मिनाक्षी शिंदे यांचे नाव नोंदवलं नाहीये.

मुळशीत कट रचला; SIT च्या हाती लागले मोठे धागेदोरे

पूर्णेकर हत्या प्रकरणातील मुख्य आरोपी पप्या शिंदे याच्यासह आणखी चार जणांचा समावेश आहे. पूर्णेकर यांचा मुलगा राम पूर्णेकर यांचा मुलगा राम पूर्णेकर यांनी ठाण्याच्या माजी महापौर आणि शिंदे गटाच्या नगरसेविका मिनाक्षी शिंदे आणि त्यांचे पती राजेंद्र शिंदे यांनीच कट रचून प्रदीप पूर्णेकर यांची हत्या केल्या आरोप केलाय. या आरोपांनंतर पोलिसांनी राजेंद्र शिंदे यांना सातवेळा चौकशीसाठी बोलवल्याची माहिती आहे.

राम पूर्णेकर यांनी मीनाक्षी शिंदे यांचे पती राजेंद्र शिंदे यांच्याशी संबंधित दोन व्हिडिओ जारी करत एकच खळबळ उडवून दिलीय. पूर्णेकरांनी जारी केलेल्या एका व्हिडीओमध्ये आरोपी निखील यादव बंदूक चालवताना दिसतोय. तर त्याच्या बाजूला राजेंद्र शिंदे हेदेखील उभे असल्याचे दिसत येत आहे. व्हायरल व्हिडिओ मुळशीतील असल्याचे सांगितले जातंय. संबंधित व्हिडीओ विशेष तपास पथकाच्या हाती लागलाय. पोलिसांनी या व्हिडिओप्रकरणी मुळशी येथे जाऊन चौकशी केली. प्रदीप पूर्णेकर यांच्या हत्या प्रकरणात हा मोठा दुवा असल्याचं सांगितलं जातंय.