Sanjay Raut on ED Raid : ED च्या धाडीवर संजय राऊतांनी उडी; संतापून बोलले, आमच्यावर बंदुका चालवा, गोळ्या घाला!

ED raid in Mumbai : बीएमसीचे तत्कालिन अतिरिक्त आयुक्त संजीव जयस्वाल आणि आदित्य ठाकरे यांचे निकटवर्तीय सूरज चव्हाण यांच्या घरावरही ईडीची छापेमारी सुरु आहे.
Shivsena Sanjay Raut News
Shivsena Sanjay Raut NewsSaamtv
Published On

Mumbai News : मुंबई महापालिकेतील कथित कोविड घोटाळ्याप्रकरणी मुंबईत धाडसत्र सुरु आहे. ईडीने जवळपास १५ ठिकाणी धाडी टाकल्या आहेत. यामध्ये बीएमसीचे तत्कालिन अतिरिक्त आयुक्त संजीव जयस्वाल आणि आदित्य ठाकरे यांचे निकटवर्तीय सूरज चव्हाण यांच्या घरावरही छापेमारी सुरु आहे.

ईडीनेच्या या कारवाईवर शिवसेना ठाकरे गटाचे खासदार संजय राऊत यांनी तिखट प्रतिक्रिया दिली आहे. आमच्यावर बंदुका चालवा किंवा गोळ्या घाला आमची घोडदौड सुरूच राहणार असं राऊत यांनी म्हटलं.

ईडीची मु़ंबईत छापेमारी सुरू आहे. शिवसेनेच्या नेत्याच्या घरावरही छापा टाकला आहे. मात्र हे सगळं टार्गेट करून सुरूआहे. पण शिंदे व भाजपमध्ये गेलेल्यांना का वगळलं? असा सवाल संजय राऊत यांनी विचारला आहे. (Latest Marathi News)

Shivsena Sanjay Raut News
Ed Raids Today: मोठी बातमी! आदित्य ठाकरे यांच्या निकटवर्तीयांच्या घरी ईडीची धाड

फासे उलटे पडू शकतात

सगळं सुरु आहे ते राजकीय सूडाची कारवाई आहे. मी देखील अशा कारवाईला सामोरे गेलो आहे. भविष्यात सत्ता बदलली तर फासे उलटे पडू शकतात. दादा भुसे यांच्याविरुद्ध १७८ कोटींच्या भ्रष्टाचाराची तक्रार मी दिली आहे.

राहुल कुल यांची ५०० कोटीच्या अपहाराची तक्रार मी केली आहे. त्यांचावर काहीही काहीही कारवाई का होत नाही, असा सवाल संजय राऊत यांनी विचारला.

Shivsena Sanjay Raut News
Raj Thackeray News : राज ठाकरेंचे कार्यकर्त्यांना थेट आदेश; म्हणाले, आगामी निवडणुकीत...

उद्धव ठाकरेंसोबत असल्याने कारवाई

अब्दुल सत्तार आणि विखेपाटील यांचीही तक्रार करणार आहे. झाकीर नाईक यांच्याकडून विखे पाटलांना फंडिंग झालं आहे, असा गंभीर आरोपही संजय राऊत यांनी केला आहे.

आम्ही उद्धव ठाकरेंसोबत आहोत, त्यामुळे तुम्ही हे करत असाल तर करत राहा. आमच्यावर बंदुका चालवा किंवा गोळ्या घाला आमची घोडदौड अशीच सुरूच राहणार, असंही संजय राऊत यांनी म्हटलं.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com