Lonavala Crime News : लोणावळा शहर पोलिसांकडून दराेड्याची उकल, 5 वर्षानंतर एकास अटक

Lonavala :

लोणावळा पोलिसांना गुंगारा देऊन पाच वर्ष फरार असलेल्या आरोपीला अखेर बेड्या ठोकल्या. लोणावळा उपविभागिय पोलीस उपअधिक्षक सत्यसाई कार्तिक यांच्या पथकाने कारवाई केली. मतीन रशीद शेख असं अटक करण्यात आलेल्या आरोपीचे नाव असल्याची माहिती पाेलिसांनी दिली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

लोणावळा पोलिसांनी दिलेल्या माहितीनूसार मतीन रशीद शेख याच्यावर लोणावळा शहर पोलिस ठाण्यात दरोड्याचा गुन्हा दाखल आहे. लोणावळा शहर पोलीस ठाण्यात सन २०१९ मध्ये दाखल असलेल्या दरोड्याच्या गुन्ह्यातील पाच वर्षांपासून आरोपी फरार हाेता. (Maharashtra News)

मतीन हा लोणावळा रेल्वे मैदान परिसरात येणार असल्याची गुप्त बातमी कार्तिक यांना मिळाली. त्यानुसार त्यांनी त्यांच्या पथकाला आरोपीच्या मागावर पाठवले. त्यानंतर आरोपीची ओळख पटताच लोणावळा रेल्वे मैदान परिसरात पाेलिसांनी त्याला अटक केली. पुढील तपास लोणावळा शहर पोलीस करत आहेत.

Edited By : Siddharth Latkar