Pmpml Bus Accident : 'पीएमपीएमएल'च्या दोन बसची समोरासमोर धडक; २९ प्रवासी जखमी

पिंपरी चिंचवड : पुणे शहरातील प्रवाशी वाहतूक करणाऱ्या 'पीएमपीएमएल'च्या दोन बसची समोरासमोर धडक होऊन अपघात (Accident) झाला आहे. या भीषण अपघातात दोन्ही बसमधील २९ प्रवाशी जखमी (Pune) झाले असून सुदैवाने यात जीवितहानी झालेली नाही. (Latest Marathi News)

पुणे शहरातील चंदननगर येथील बीआरटी लेनमध्ये आज सकाळी पीएमपीएमएलच्या (PMPML) दोन बसेस समोर एकमेकांना धडकून हा अपघात झाला आहे. कात्रजवरून वाघोलीला जाणारी ओलेक्ट्रा इलेक्ट्रॉनिक बस आणि तळेगाव ढमढेरेवरून पुणे मनपाला जाणारी सीएनजी बस या दोन्ही बस मध्ये हा अपघात झाला आहे. 

विरुद्ध साईडने बस आल्याने अपघात 

अपघातात दोन्ही बस मध्ये प्रवास करणारे जवळपास २९ प्रवासी जखमी झाले आहेत. जखमीमध्ये दोन्ही बसच्या चालकांचा देखील समावेश आहे. विरुद्ध दिशेने येणाऱ्या ओलेक्ट्रा बस चालकाच्या चुकीमुळे हा अपघात झाल्याची प्राथमिक माहिती पीएमपीएमएल महामंडळाने दिली आहे.