Kasarwadi Gas Leak: पिंपरी चिंचवड परिसरात मोठी दुर्घटना! जलतरण तलवात क्लोरीन गॅस लिकेज, अनेक रुग्णालयात

Pimpari Chinchwad News:

पिंपरी चिंचवडमध्ये एका जलतरण तलावात एक धक्कादायक घटना घडली. पिंपरी-चिंचवड महानगरपालिकेच्या कासारवाडी येथील जलतरण तलावात क्लोरीन गॅस लिकेज झाला. यामुळे पोहण्यासाठी आलेल्या २०- २२ जणांना श्वसनाचा त्रास जाणवू लागला. या गॅस लिकीजमुळे परिसरातील नागरिकांनाही त्रास जाणवत आहे.

याबाबत सविस्तर माहिती अशी की, कासारवाडी (Kasarwadi) येथील जलतरण तलावात क्लोरीन गॅस लिकेज झाला. आज (मंगळवार, १० ऑक्टोंबर) सकाळी ही धक्कादायक घटना घडली. या गॅस लिकेजमुळे पोहण्यासाठी आलेल्या 20 ते 22 जणांना श्वास घेण्यास त्रास झाला.

तसेच परिसरात क्लोरीन गॅस पसरल्याने काही मीटर पर्यंत नागरिकांना खोकला आणि गळ्याचा त्रास, श्वास घेण्यास त्रास होत होता. या घटनेनंतर कासारवाडी येथील स्विमिंग पूलाच्या समोरून वाहतूक बंद करण्यात आली आहे.

याबाबतची माहिती मिळताच घटनास्थळी अग्निशमन दल पोलीस दाखल झाले आहे. तसेच त्रास होत असलेल्या  11 लोकांना उपचारासाठी महापालिका वायसीएम रुग्णालयात दाखल करण्यात आले आहे. या घटनेने परिसरातन काही काळ नागरिकांमध्ये भितीचे वातावरण पाहायला मिळाले. (Latest Marathi News)