पुणे : जिल्ह्यातील पिंपरी चिंचवडमध्ये गोळीबाराची घटना घडली आहे. एकीकडे गणेश विसर्जनाच्या धामधुमीत सुरु असताना पिंपरी चिंचवडमध्ये गोळीबाराची घटना घडली. आहे. पिंपरी चिंचवड शहरातील फिनिक्स मॉलच्या गेटवर गोळीबार घटना घडली आहे.
पिंपरी-चिंचवड शहरातील वाकड परिसरातील फिनिक्स मॉलच्या गेटवर दिशेने एकाने बंदुकीतून गोळीबार केल्याची धक्कादायक घटना घडली आहे. चारचाकी वाहनामधून येऊन एकाने गोळीबार केल्याची धक्कादायक घटना घडली आहे. या व्यक्तीने केलेला गोळीबार कॅमेऱ्यात कैद झाला आहे.
फिनिक्स मॉलजवळ एक व्यक्ती चारचाकी वाहनातून उतरला. त्यानंतर फिनिक्स मॉलच्या गेट नंबर सातच्या दिशेने गोळीबार केला. या गोळीबाराची घटना सीसीटीव्ही कॅमेऱ्यात कैद झाली आहे. मॉलच्या गेट समोर उभं राहून अज्ञात व्यक्ती गोळीबार करताना सीसीटीव्हीत दिसत आहे.
आज मंगळवारी संध्याकाळी अज्ञात व्यक्ती पांढऱ्या रंगाच्या चार चाकी वाहनांमध्ये पसार झाला आहे. सुदैवाने या गोळीबारात कुणीही जखमी झालेला नाही. तरी गणपती विसर्जनाच्या दिवशी मॉलच्या गेटवर गोळीबार झाल्याने पिंपरी चिंचवड शहर हादरलं आहे. अज्ञात व्यक्तीने गोळीबार का केला? हे मात्र अजून स्पष्ट झालेलं नाही. वाकड पोलीस घटनास्थळी दाखल झाले असून गोळीबार करणाऱ्या अज्ञात व्यक्तीचा शोध पोलीस युद्ध पातळीवर घेत आहेत.
कोल्हापुरात एकाची चाकूने भोकसून हत्या झाल्याची घटना घडली आहे. हातगाडी लावण्यावरून तरुणांवर चाकू हल्ला करण्यात आला. या चाकू हल्ल्यात तरुणाचा उपचारा दरम्यान मृत्यू झाल्याची प्राथमिक माहिती हाती आली आहे. या घटनेची माहिती मिळताच पोलीस घटनास्थळी पोहोचले आहेत. कोल्हापूरच्या आराम कॉर्नर जवळ ही घटना घडली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.