Pune Ganpati Fire : पुण्यात गणेश विसर्जन मिरवणुकीत रथाला अचानक आग; भाविकांमध्ये एकच गोंधळ, संपूर्ण घटना कॅमेऱ्यात कैद, VIDEO

पुणे : पुणे शहरात सर्वत्र गणेश विसर्जनाची धामधूम पाहायला मिळत आहे. पुण्यातील रस्त्यावर भाविकांची मोठी गर्दी पाहायला मिळत आहे. पुण्यातील लक्ष्मी रोडचा गणपती विसर्जनासाठी निघाला. या लक्ष्मी रोडच्या गणपतीच्या रथाला अचानक आग लागली. त्यानंतर कार्यकर्त्यांचा एकच गोंधळ उडाल्याचं पाहायला मिळालं.

पुण्यातील लक्ष्मी रोडच्या गणपतीच्या रथाला अचानक आग लागल्याने कार्यकर्त्यांची धावपळ झाली. गणपतीच्या रथाच्या दोन्ही कोपऱ्यांना ही आग लागली. रथाला आग लागल्याने कार्यकर्त्यांनी तातडीने आग विझविली. यामुळे पुण्यातील विसर्जन मिरवणुकीतील मोठी दुर्घटना टळली. फटाक्यामुळे गणपतीच्या रथाला आग लागल्याची माहिती मिळत आहे. आग लागल्यानंतर भाविकांनी तातडीने पाण्याचा मारा केला. त्यामुळे पुण्यात गणेशोत्सवादरम्यान सुदैवाने मोठी दुर्घटना टळली.