मुंबई: मुंबईतील प्रसिद्ध असलेल्या नायर या शासकीय रुग्णालयात (Nair Hospilal Mumbai) रूग्णांना चक्क जमिनीवर झोपावं लागतंय. रुग्णालयात असलेल्या प्रत्येक बेडखाली आणखी एका रूग्णाला ॲडमिट (Admit) करण्यात आलयं. पालिकेच्या (BMC) रुग्णालयात रूग्णांची (Patients) संख्या वाढत असल्याने रूग्णालयातील बेड्स आणि आरोग्य सुविधा अपुऱ्या पडतायत, यामुळे सर्वसामान्यांचे मात्र हाल होत आहेत. रुग्णांचे होणारे हाल हे आम आदमी पक्षाने (Aam Admi Party) समोर आणले आहेत. याबाबतचे फोटोज् आता सोशल मीडियावर व्हायरल (Viral Photos) होत आहेत.
हे देखील पहा -
याबाबत नायर रुग्णालयाच्या अधिष्ठाता कल्पना मेहता यांच्याशी बातचीत केली असता त्यांनी सांगितलं की, नायर हे टरशरी के‌अर हॅास्पिटल आहे. मुंबईबाहेरील रुग्ण आमच्याकडे कायम येत असतात, यात ओपीडीला ३ हजार रूग्ण दररोज येतात. २०० ते ३०० रूग्ण ॲडमिट केले जातात. सध्या १६२६ बेड्स आहेत. आगामी काळात १८०० बेड वाढविण्यासाठी प्रयत्न सुरू आहेत. परंतु रूग्णालयातील अनेक रूग्णांना ॲडमिट झाल्यानंतर लगेचच डिस्चार्ज देण्यासाठी अनेक अडचणी येतात. रूग्ण इतर रूग्णालयात दाखल होण्यासाठी तयार होत नाही. मेडीसीन सर्जरी आणि स्त्री रोग विभाग या विभागात रूग्ण अधिक आहेत. १८ पेरिफेरल हॅास्पिटलला रूग्ण वळवता येतील का याबाबत सकारात्मक चर्चा सुरू आहे, अशी माहिती त्यांनी दिली.
Edited By - Akshay Baisane
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.