Phone Tapping Case : पोलीस अधिकारी रश्मी शुक्लांविरोधात आरोपपत्र

मविआ सरकार स्थापनेपूर्वी शिवसेना नेते, खासदार संजय राऊत यांचा फोन 60 दिवस टॅप करण्यात आला होता.
Rashmi Shukla Phone Tapping case News Updates
Rashmi Shukla Phone Tapping case News Updates Saam Tv
Published On

मुंबई : मुंबईच्या कुलाबा पोलिसांनी आयपीएस अधिकारी रश्मी शुक्ला (Rashmi Shukla) यांच्याविरुद्ध दाखल केलेल्या फोन टॅपिंग प्रकरणात (Phone Tapping Case) आरोपपत्र दाखल केले आहे. मुंबईच्या मुख्य दंडाधिकारी (किल्ला) न्यायालयात आज ७०० पानांचे आरोपपत्र दाखल करण्यात आले. या आरोपपत्रात जवळपास 20 साक्षीदारांचे जबाब नोंदवण्यात आले असून त्यात बहुतांश सर्व सरकारी कर्मचारी आहेत. (Rashmi Shukla Phone Tapping case News Updates)

हे देखील पाहा :

या आरोपपत्रात (Charge Sheet) सुमारे 6 सरकारी कर्मचाऱ्यांच्या जबाबांचा समावेश असून, सीआरपीसी कलम 164 अंतर्गत त्यांचे जबाब नोंदवण्यात आले आहेत. या 6 सरकारी कर्मचार्‍यांपैकी एक त्यावेळी एसीएस होम एस कुमार आहे, याशिवाय, त्यावेळेस एसआयडीमध्ये एक डीवायएसपी देखील तैनात आहे. या आरोपपत्रात संजय राऊत आणि एकनाथ खडसे यांच्या जबाबांचाही समावेश करण्यात आला आहे.

Rashmi Shukla Phone Tapping case News Updates
Breaking : राष्ट्रवादीचे नेते भगीरथ भालके यांच्यावर फसवणुकीचा गुन्हा दाखल!

2019 मध्ये जेव्हा महाविकास आघाडीचे सरकार (MVA) स्थापन झाले नव्हते आणि स्थापनेची प्रक्रिया सुरू होती, तेव्हा शिवसेना खासदार संजय राऊत (Sanjay Raut) यांचा फोन 60 दिवस टॅप करण्यात आला होता. त्याचवेळी राष्ट्रवादीचे नेते एकनाथ खडसे यांचा फोन 67 दिवस टॅप करून दोघांचे फोन टॅप करण्यासाठी एसआयडीकडून एसीएसच्या घरी पाठवलेल्या पत्रावर बनावट नावे नमूद करण्यात आली होती. संजय राऊत यांच्यासाठी 'एस रहाटे' आणि एकनाथ खडसे (Eknath Khadse) यांच्यासाठी 'खडसणे' हे नाव वापरण्यात आले.

Edited By : Krushnarav Sathe

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com