Crime News : धक्कादायक ! नगरसेवकावर दिवसाढवळ्या गोळीबाराचा प्रयत्न, एकास पाेलिसांनी घेतलं ताब्यात

- सुशिल थाेरात

Parner News :

पारनेर नगरपंचायतचे नगरसेवक युवराज पठारे (corporator yuvraj pathare) यांच्यावर आज (गुरुवार) गावठी कट्ट्याने गोळ्या झाडण्याचा प्रयत्न झाला. या घटनेत पठारे बचावल्याची माहिती घटनास्थळावरुन मिळाली. पारनेर शहरातील एका हॉटेल नजीक हा प्रकार घडला. या घटनेनंतर पाेलिसांनी एकास ताब्यात घेतले आहे. (Maharashtra News)

पाेलिसांकडून मिळालेल्या माहितीनूसार ही घटना सकाळी साडे अकराच्या सुमारास घडली. घटनास्थळावरुन मिळालेल्या माहितीनूसार नगरसेवक युवराज पठारे यांच्यावर गोळीबार करण्याचा प्रयत्न झाला मात्र गावठी कट्ट्यातून गोळी झाडता न आल्यामुळे त्यांच्यावरील संकट टळले.

या घटनेनंतर पठारेंनी व अन्य काही जणांनी संबंधितास पकडले. पोलिसांनी संबंधितास ताब्यात घेतले आहे. संशयित हा अल्पवयीन आहे. त्याच्यावर गुन्हा दाखल करण्याचे काम सुरू आहे. त्याने पठारे यांच्यावर का हल्ला केला याचे कारण अद्याप स्पष्ट समजू शकलेले नाही अशी माहिती पोलिस निरीक्षक समीर बारवकर यांनी दिली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar