मुंबई गोवा महामार्गावर भीषण अपघात; एक ठार, जखमी महाडच्या ग्रामीण रुग्णालयात दाखल

- सचिन कदम

Mumbai Goa Accident News : मुंबई गोवा महामार्गावर दासगाव गाव हद्दीत दाेन अवजड वाहनांची समोरासमोर टक्कर झाली. या अपघातात (accident) एक जण ठार तर दोन जण जखमी झाले आहेत. हा अपघात आज पहाटेच्या सुमारास झाल्याची माहिती पाेलिसांनी (police) दिली.

या अपघाताबाबत मिळालेली अधिक माहिती अशी : आज पहाटेच्या सुमारास मुंबई गोवा महामार्गावर महाड तालुक्यातील दासगाव खिंड येथे हा भीषण अपघात झाला. दाेन अवजड वाहनांची समाेरा समाेर टक्कर झाली. या अपघातामध्ये एकाचा मृत्यू झाला आहे तर दोन जण जखमी झाल्याचे पाेलिसांनी सांगितले. या अपघातामधील जखमी व्यक्तींवर महाडच्या ग्रामीण रुग्णालयात उपचार सुरु आहेत. दरम्यान या अपघातात अशोक बारगीर यांचा मृत्यू झाला आहे.

Edited By : Siddharth Latkar