Palghar News : मुंबई अहमदाबाद राष्ट्रीय महामार्गावर आज (शुक्रवार) पहाटेच्या सुमारास झालेल्या कारच्या अपघातात (mumbai ahmedabad national highway accident news) एकाचा मृत्यू झाला आहे. या घटनेत कारमधील अन्य तिघे जण सुखरुप असल्याची माहिती पाेलिसांनी दिली. (Maharashtra News)
पाेलिसांनी दिलेल्या माहितीनूसार आज पहाटेच्या सुमारास मुंबई अहमदाबाद राष्ट्रीय महामार्गावर तवा आश्रमशाळा व राजधानी हॉटेल परिसरात हा अपघात झाला. अपघातग्रस्त कार गुजरातच्या दिशेने निघाली हाेती.
या महामार्गावर उभ्या असलेल्या कंटेनरला कारने मागून जोरदार धडक दिल्यामुळे हा अपघात झाल्याची प्राथमिक माहिती उपलब्ध झाली आहे. या घटनेत कार चालकाचा जागीच मृत्यू झाला आहे. या कारमधील तिघे जण सुखरुप असल्याची माहिती पाेलिसांनी दिली. यामध्ये कार चालकाची पत्नी व दोन मुलांचा समावेश आहे.
कार चालकाचा मृतदेह कासा ग्रामीण रुग्णालयात पाठवण्यात आला आहे. महामार्ग वाहतूक पोलीसांनी अपघातग्रस्त कार बाजूला करून वाहतूक पूर्ववत सुरु केली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
