पुणे : नायजेरियातून आलेल्या 52 वर्षीय ओमिक्रॉन ग्रस्त रुग्णाचा पिंपरी चिंचवड शहरात उपचारादरम्यान हृदयविकाराच्या झटक्याने मृत्य झाला आहे. वाय सी एम हॉस्पिटल मधील रुबी अल्केअर केंद्रात उपचार घेत असताना ओमिक्रॉनने (Omicron Variant) ग्रस्त रुग्णाचा मृत्यू झाला आहे. नायजेरिया तुन पिंपरी चिंचवड (PCMC) मध्ये आलेल्या रुग्णाचा प्राथमिक चाचणीत कोरोना अहवाल पॉझिटिव्ह आला. त्यानंतर त्याच्यावर वाय सी एम हॉस्पिटल मधील रुबी अल्केअर केंद्रात उपचार सुरू होते. मात्र उपचारादरम्यान 28 डिसेंबर त्या रुग्णाचा मृत्यू झाला.
मात्र मृत्यू झालेल्या व्यक्तीचा आज अहवाल आल्यानंतर तो ओमियक्रॉन ग्रस्त असल्याचे उघड झाले आहे. ओमिक्रॉन मुळे मृत्यू झालेल्या रुग्णाला 13 वर्षांपासून मधुमेहाच आजार असल्याची माहिती देखिल पिंपरी चिंचवड महापालिकेच्या आरोग्य विभागाने दिली आहे. पिंपरी-चिंचवड शहरात आतापर्यंत परदेशातून आलेल्या 32 कोरोना (Coronavirus) ग्रस्त रुग्णांपैकी 14 रुग्णांना ओमियक्रॉनचा संसर्ग झाला आहे. तर त्यांच्या निकट सहवासात आलेल्या 11 जणांना देखिल ओमिक्रॉनचा संसर्ग झाला आहे.
Edited By: Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
