Mumbai News: NIAची मुंबई, पुण्यात मोठी कारवाई; ISIS च्या संपर्कात असल्याच्या संशयावरून चौघांना अटक

सचिन गाड

Mumbai News: एनआयएने मुंबई आणि पुण्यात मोठी कारवाई केली आहे. एनआयएने मुंबई आणि पुण्यातील पाच ठिकाणी छापे टाकले आहेत. त्याचबरोबर एनआयएने ISIS च्या संपर्कात असल्याच्या संशयावरून चौघांना अटक केली आहे. एनआयएने मुंबई, भिवंडी, पुणे या ठिकाणी छापे टाकले आहेत. (Latest Marathi News)

NIA ने 28 जून रोजी नागपाडा येथील एका रहिवाशाविरुद्ध गुन्हा दाखल केला होता. त्यानंतर एनआयएला संशय आला की, त्यांच्या आणखी जण संपर्कात आहेत आणि त्यानुसार छापे टाकले. एनआयएने मुंबईतील दोन , भिवंडीतील पडघा येथे दोन आणि एक पुण्यात छापा टाकला आहे.

पुण्यात एनाआयए आणि आयबीची छापेमारी

दरम्यान, पुण्यात एनआयए आणि आयबीने छापेमारी मारली आहे. एनआयए आणि आयबीच्या पथकाची कोंढव्यात छापेमारी केली आहे. या कारवाईत एका ताब्यात घेतले आहे.

आज एनआयए आणि आयबीने संयुक्तरित्या पहाटे कोंढवा पोलीस स्टेशन हद्दीतील वजीर कस्केड सोसायटीमध्ये छापेमारी केली. त्यावेळी ३९ वर्षीय जुबेर शेख याला चौकशीसाठी राष्ट्रीय तपास यंत्रणा (NIA) व आयबी यांनी संयुक्तरित्या छापा मारून ताब्यात घेतले आहे. त्याच्याकडून काही महत्वाचे कागदपत्र पुढील तपासाकरिता ताब्यात घेण्यात आले आहेत. सदर कारवाईवेळी घटनास्थळाचा पंचनामा करण्यात आलेला आहे

कारवाईवेळी कोंढवा पोलीस स्टेशनकडील पोलीस निरीक्षक संजय मोगले (गुन्हे), गोपनीय अंमलदार, तपास पथक स्टाफ,महिला पोलीस अंमलदार असे हजर होतो. सदर कारवाई शांततेत पार पडली आहे.