देशातील पाच बंदरांपैकी एक असलेल्या जवाहरलाल नेहरू बंदरगाहवरील कंटनेरची वाहतूक कमी होणार आहे. यासाठी जेएनपीएपासून जुना पुणे हायवेपर्यंतचा नवीन स्पेशल हायवे बनवला जात आहे. या महामार्गासाठी एकूण २,९०० कोटी रुपयांचा खर्च लागणार आहे. हा महामार्ग २९ किलोमीटर इतक्या लांबीचा बांधला जाणार आहे. दररोज पाच हजार पेक्षा अधिक कंटनेर आणि ट्रक पुण्याकडून जेएनपीएवर येत असतात. त्याच प्रमाणात ठाण्याकडून जेएनपीएकडे ट्रक येत असतात.
या दोन्ही दिशेने येणारे ट्रक ठाणे-बेलापूर रोड किंवा पुणे एक्स्प्रेस वे पनवेल किंवा बेलापूर, खारघर भागातील रस्त्यांचा वापर करतात. त्यामुळे या भागातून दररोज १०,००० मालवाहू वाहने जातात. त्यामुळे वाहतूक कोंडी निर्माण होऊन स्थानिकांना त्रास होतो. ही समस्या दूर करण्यासाठी NHAI ने हा हायवे तयार करण्याचे नियोजन केले आहे.
जेएनपीएजवळील पगोटे ते जुन्या मुंबई-पुणे महामार्गाच्या चौकात नवीन महामार्ग बांधण्यात येणार आहे. पगोटे हा राष्ट्रीय महामार्ग ३४८ वर वसलेला आहे. जो बेलापूर ते जेएनपीए, जेएनपीए रोडवर येतो. येथून हा नवीन महामार्गाचे अंतर २९.१९ किलोमीटर आहे. हा महामार्ग प्रामुख्याने एलिव्हेटेड असेल. यात एक पृष्ठभाग रस्ता आणि दोन बोगदे असतील. हा महामार्ग ६० मीटर रुंद आणि सहा लेनचा असणार आहे. याचा अर्थ दक्षिणेकडून (पुण्याकडे) येणाऱ्या वाहनांना पनवेल किंवा बेलापूरपर्यंत येण्याची गरज भासणार नाही.
हे ट्रक आता थेट जेएनपीएपर्यंत पोहोचू शकतील. तसेच उत्तरेकडून येणारी वाहनेही जुन्या पुणे महामार्गावरून चौकात जातील. ही वाहने ठाणे-बेलापूर रोडवरील वाहतूक कोंडी टाळून १० मिनिटांत थेट जेएनपीएला पोहोचू शकतील. राष्ट्रीय महामार्ग ३४८ वरील चिरनेर, गोवा राष्ट्रीय महामार्ग आणि मुंबई-पुणे द्रुतगती मार्ग या महामार्गाद्वारे जोडले जाणार आहेत. तसेच ‘अटल सेतू’ मार्गे येणारी वाहनेही या महामार्गावर चिरनेरजवळून येऊ शकतील. हा नवीन महामार्ग असल्याने NHAI द्वारे 'अ' श्रेणी महामार्ग म्हणून त्याचे वर्गीकरण केले आहे.
सहा लेन असलेले बोगदे- दोन यांचे अंतर १९०० मीटर आणि १७५० मीटर आहे)
मोठे पूल - सहा यांचे अंतर (९१०, २२०, २३०, ६०० , ४४० मीटर आणि १६० मीटर )
कधी होणार पूर्ण- ३० महिने
छोटे पूल- १७५ हेक्टर
फ्लओव्हर - ४
रस्त्यावरील पूल - २
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.