NCB धडक कारवाई, 4 कोटींचे अमली पदार्थ जप्त

मुंबई - एनसीबीने दोन दिवसात पुन्हा एकदा दुसरी धडक कारवाई केली आहे. मुंबई झोनल युनिटने ही छापेमारी करत 4 कोटींचे अमली पदार्थ जप्त केले आहेत. मुंबई विमानतळ परिसरात ही कारवाई करण्यात आल्याची माहिती समोर आली आहे. या कारवाईत एनसीबीने एकाला अटक केली आहे.एनसीबीला सहार इंटरनॅशनल कुरिअर टर्मिनलवर पार्सलद्वारे अंमली पदार्थ येणार असल्याची माहिती मिळाली होती.

हे देखील पहा -

या माहितीच्या आधारे एनसीबीच्या अधिकाऱ्यांनी छापा टाकत ही कारवाई केली आहे. यावेळी तपासणी दरम्यान एनसीबीला एका पार्सलमध्ये संशयित पावडर आढळून आली. त्यानंतर या पावडरची तपासणी केली असता ती पावडर हेरॉईन असल्याचे स्पष्ट झाले. याची किंमत अंदाजित चार कोटी रुपये आहे.

एनडीपीएस कायद्यांतर्गत एनसीबीकडून गुन्हा दाखल करण्यात आला आहे. वडोदरामधील एका व्यक्तीचे हे पार्सल असल्याची माहिती समोर आली आहे. एनसीबीच्या अधिकाऱ्यांनी या व्यक्तीची चौकशी केल्यानंतर त्याला अटक केली आहे.

Edited By - Shivani Tichkule