'मला खिशात टाकाच..' नवाब मलिकांचे चंद्रकांत पाटलांना आव्हान

मुंबई : भाजपा प्रदेशाध्यक्ष चंद्रकांतदादा पाटील Chandrakant Patil यांनी राष्ट्रवादीचे नेते तथा अल्पसंख्यांक मंत्री नवाब मलिक Navab Malik यांच्यासारखे नेते आपल्या खिशात ठेवतो असे वक्तव्य पत्रकारांशी बोलताना केलं होतं. पाटील यांच्या याच वक्तव्यावरती मंत्री नवाब मलिक यांनी प्रत्युत्तर दिलं आहे.

हे देखील पहा -

या पार्श्वभूमीवर मलिकांनी ट्विट Tweet करत "भाजप प्रदेशाध्यक्ष चंद्रकांत पाटील सांगत आहेत मी नवाब मलिक यांना खिशात ठेवतो. चंद्रकांत पाटलांचा खिसा इतका मोठा असेल हे मला माहीत नव्हत. तसेच मी वाट बघत आहे की ते कधी मला त्यांच्या खिशात टाकणार आहेत. तसेच त्यांनी मला खिशात टाकल्यावर त्यांच्या खिशात काय काय आहे हे जनतेसमोर आणणार आहे त्यासाठी चंद्रकांतजी मला तुमच्या खिशात टाकाच असं ट्विट मलिकांनी केलय सोबत चंद्रकांत पाटील बोललेले व्हिडीओ देखील त्यांनी शेअर केला आहे.

आर्यन खानला Aryan Khan अटक केल्यानंतर आणि समीर वानखेडेंवरती नवाब मलिकांनी अनेक आरोप केले तसेच क्रुझ पार्टी Cruise party प्रकरणात भाजपचे पदाधिकारी पंच म्हणून कसे असा आरोपही त्यांनी यावेळी केला होता तसेच भाजपाचे मोठमोठे नेते, त्यांच्याजवळचे लोक NCB च्या कार्यालयात जातात NCB अधिकाऱ्यांना भेटतात काही भाजपाचे नेते यांचे राईट हँड समीर वानखेडेला भेटत आहेत, हे मी जबाबदारीने सांगतोय. या हालचाली वाढल्या आहेत. जर पोपट पिंजऱ्यात गेला तर आणखीन गुपितं बाहेर येतील म्हणून जीन म्हणजेच भाजपाचे लोक घाबरायला लागले आहेत.तसेच हिवाळी अधिवेशनात मोठमोठी नावे बाहेर येणार असल्याचं वक्तव्य मलिकांनी केलं होत त्यांच्या याच वक्तव्यावरती पाटलांनी प्रतिक्रियी दिली होती.

त्यामुळे भाजप आणि मलिक असा वाद सुरु असतानाच आता त्यांनी केलेल्या या ट्विटमुळे आणखी राजकीय वाद उद्भवण्याची शक्यता नाकारता येत नाही.

Edited By - Jagdish Patil