मेरे ख़याल को बेड़ी पहना नहीं सकते ! नवाब मलिक यांचं पुन्हा सूचक ट्विट...

मुंबई: मंत्री नवाब मलिक यांनी आज देखील एक सूचक असं ट्विट केलं आहे. पंच समीर वानखेडे यांचे वडिल ज्ञानदेव वानखेडे यांनी दाखल केलेल्या मानहानीच्या दाव्यासंदर्भात मलिक यांनी हे सूचक ट्विट केलं असावं. माझं बोलणं बंद केलं तरी देखील माझ्या ध्येयाला आणि लढ्याला तुम्ही बंद करु शकत नाही, असं ट्विट नवाब मलिक यांनी केलं आहे.

नवाब मलिक यांनी गेल्या महिनाभरापासून पत्रकार परिषद घेत आहेत. एनसीबीची ड्रग्स पार्टी संदर्भात कारवाई, त्यातील पंच समीर वानखेडे यांनी केलेली कारवाई यावर नवाब मलिक 'फर्जीवाडा' याच शब्दात टीका करत आहेत. आणि कारवाईवर प्रश्नचिन्ह उपस्थित करत आहेत. तसेच मलिक यांनी यासोबतच आपल्या सूचक शब्दात ट्विटची मालिका देखील सुरु ठेवली होती. समीर वानखेडे यांच्या वडिलांनी नवाब मलिक यांच्या विरोधात कोर्टात १.२५ कोटी रुपयांचा दावा दाखल केला आहे. तर यायालयाने आज मलिक यांना त्यांची भूमिका मांडण्यास सांगितलं आहे. आता नवाब मलिक आज या प्रकरणावर नेमकं काय बोलणार? याकडे सर्वांच्या नजरा आहेत.

नवाब मलिक सोशल मीडियावरुन टार्गेट करतात, ज्ञानदेव वानखेडेंचा दावा;

ज्ञानदेव वानखेडे यांनी मानहानीचा दावा केला आहे. तर मलिक रोज सोशल मीडियावरून टार्गेट करत आहेत. त्यांना सोशल मीडियावर पोस्ट टाकण्यापासून मनाई करण्याचे आदेश देण्याची विनंतीही वानखेडे यांच्या वकिलांनी केली आहे.

Edited By-Sanika Gade