![Navi Mumbai Cidco Plans](http://media.assettype.com/saamtv%2F2024-02%2F7cc0ede2-8a8e-4281-8bc6-9ada602ca3aa%2F____c__9_.jpg?w=480&auto=format%2Ccompress&fit=max)
सायन-पनवेल महामार्गावरील वाहतूक सुरळीत करण्याच्या उद्देशाने शहर आणि औद्योगिक विकास महामंडळ (सिडको) खारघर-तुर्भे लिंक रोडवर बोगदा बांधण्याचा विचार करत (Navi Mumbai Cidco) आहे. हा रस्ता तयार झाल्यानंतर मुंबई, नवी मुंबई आणि ठाणे येथील वाहनधारकांचा प्रवासाचा वेळ सुमारे ३० मिनिटांनी कमी होणार आहे. (Latest Marathi News)
रस्त्याच्या नकाशानुसार तो सायन-पनवेल महामार्गावरील जुईनगर रेल्वे स्थानकासमोरून सुरू होईल आणि गुरुद्वारा आणि सेंट्रल पार्क, खारघरच्या जंक्शनच्या पलीकडे असलेल्या 30 मीटर रुंद विद्यमान रस्त्यावर विलीन होईल, असं सिडकोच्या एका वरिष्ठ अधिकाऱ्याने सांगितलं (Cidco Plans 2100 Crore) आहे. ('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
२१०० कोटींचा प्रकल्प
रस्त्याची लांबी 5.490 किमी आहे. बोगद्याचा भाग 1.763 किमी आणि 3.4 किमी उंच पुल आहे. रस्त्यात 4+4 लेन असतील. सर्व सुरक्षा खबरदारी घेऊन दोन दिशाहीन बोगदे असतील, असं अधिकाऱ्याने सांगितलं (Sion Panvel Highway) आहे. व्यावसायिक वाहतुकीसाठी आवश्यक तरतुदी केल्या जातील. प्रकल्पाची अंदाजे किंमत 2,100 कोटी रुपये आहे. हा प्रकल्प चार वर्षांत पूर्ण होण्याची शक्यता आहे.
प्रकल्पाचं उद्दिष्ट
मुंबई महानगर प्रदेशातील नवी मुंबईतील वाशी, जुईनगर आणि नेरूळ नोड्स ते खारघरमधील आंतरराष्ट्रीय कॉर्पोरेट पार्क ते थेट कनेक्टिव्हिटी स्थापित करण्याचा प्रकल्पाचा मानस आहे, असं अधिकाऱ्यांनी म्हटलं (navi mumbai news) आहे.
मेट्रो सेवेचा विस्तार
नवी मुंबई मेट्रोच्या 2, 3 आणि 4 मार्गांचे तपशीलवार प्रकल्प अहवाल येत्या महिनाभरात पूर्ण करण्याची सिडकोची योजना आहे. संस्था नियोजित शहराच्या इतर ठिकाणांपर्यंत मेट्रो पायाभूत सुविधा वाढविण्याचा विचार करत (Tunnel On Sion Panvel Highway) आहे. लाइन 2, 3 आणि 4 पेंढरपासून विस्तारित होईल. एमआयडीसी तळोजा आणि खांदेश्वरच्या काही भागांमधून जाईल. सिडकोतर्फे विविध सरकारी यंत्रणांच्या मदतीने अभ्यास केला जात आहे.
मेट्रो (metro) सेवेचा विस्तार ऐरोली, वाशी, कोपरखैरणे, घणसोली आणि नेरुळपर्यंत केला जाईल. त्यामुळे बेलापूरपर्यंत संपर्क वाढेल. हे मार्ग, एकदा कार्यान्वित झाल्यानंतर लोकांना वाहतूक कोंडीचा (traffic) सामना न करता आणि कमी वेळेत प्रवास करून पोहोचण्यास मदत होईल, असं अधिकाऱ्यांनी सांगितलं आहे. याशिवाय, सिडको प्रशासन प्रस्तावित नवी मुंबई आंतरराष्ट्रीय विमानतळाला अधिक चांगली कनेक्टिव्हिटी देण्याचे नियोजन करत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.