Nashik News: नाशकात बांधकाम व्यायसायिकांवर आयकर विभागाची कारवाई; निवासस्थाने, कार्यालयांवर पथकाचे छापे, औद्योगिक क्षेत्रात खळबळ

Nashik News: नाशिक शहरात बांधकाम व्यायसायिकांवर आयकर विभागाची कारवाई सुरूच आहे. सलग दुसऱ्या दिवशी कारवाई सुरूच असल्याचे सुरू आहे. नाशिकमध्ये १५ हून बांधकाम व्यावसायकिांच्या निवासस्थाने, कार्यालये आणि फार्म हाऊसवर आयकर विभागाने छापे टाकले आहेत. (Latest Marathi News)

मार्च महिन्यात महाराष्ट्रासह देशभरात आयकर विभागाकडून कर चुकवणाऱ्यांवर आयकर विभागाकडून छापेमारी केली जात आहे. नाशिकमध्येही आयकर विभागाने व्यावसायिकांवर गुरुवारी छापे टाकले आहेत.

आयकर विभागाच्या कारवाईने व्यापाऱ्यांमध्ये खळबळ उडाली आहे. १५ हून बांधकाम व्यावसायिकांची निवासस्थाने, कार्यालये आणि फार्म हाऊसवर आयकर विभागाची झाडाझडती सुरू आहे.

आयकर विभागाने अनेक महत्त्वाची कागदपत्रे आयकर विभागाच्या अधिकाऱ्यांनी ताब्यात घेतल्याची माहिती समोर आली आहे. कर चुकवेगिरी प्रकरणी बांधकाम व्यावसायिक आयकर विभागाच्या रडारवर आहेत. सशस्त्र पोलिसांच्या बंदोबस्तात ही कारवाई केली आहे.

दरम्यान, नाशिकच्या मेनरोडवर या बांधकाम व्यावसायिकांची निवासस्थाने, कार्यालय, त्यांच्या मॅनेजरसह काही महत्वाच्या व्यक्तींची निवासस्थानी आयकर विभागाचे पथक दाखल झाले आहेत. या छाप्यांमध्ये प्रसिद्ध बांधकाम व्यावसायिकांचा समावेश आहे. त्यामुळे आयकर विभागाच्या हाती मोठे घबाड लागण्याची शक्यताही वर्तविली जात आहे.