राष्ट्रवादी काँग्रेसचे नेते अजित पवार यांनी बंडखोरी केल्याने पक्षात दोन गट निर्माण झाले. अजित पवार यांच्या या राजकीय निर्णयामुळे केवळ पक्षच नाही तर कुटुंब देखील दुभंगले आहे. पवार कुटुंबियांचं राजकारण अनेक वर्षांपासून राज्याने पाहिलं आहे.
मात्र अजित पवारांनी घेतलेल्या भूमिकेमुळे पक्षासोबतच पवार कुटुंबिय देखील एकमेकांसमोर उभे ठाकले आहेत. मात्र शरद पवारांनी बोट पकडून राजकारणात आणलेल्या अजित पवारांनी एवढा टोकाचा निर्णय का घेतला, याबाबत अनेकांनी अनेक मतं आजवर मांडली आहेत. (Latest Marathi News)
शिवसेना शिंदे गटाचे प्रवक्ते नरेश म्हस्के यांनी देखील एक दावा केला आहे. नरेश म्हस्के म्हणाले की, रोहित पवार आणि सुप्रिया सुळे यांच्यामुळे अजित पवार शरद पावरांपासून लांब गेले. सकाळने याबाबतचं वृत्त प्रसिद्ध केलं आहे. (Political News)
नरेश म्हस्के यांनी यावेळी सुप्रिया सुळे आणि रोहित पवार यांच्यावरही निशाणा साधला. सुप्रिया सुळे यांचं आधी बारामतीत काय होईल याचा विचार करावा, मग श्रीकांत शिंदेंची काळजी करा.
रोहित पावरांची अवस्था काय आहे हे येणाऱ्या निवडणुकीत कळेल. अजित पवार यांच्या नेतृत्वासमोर आपण आधी बारामती लढवून दाखवा, त्यानंतर आम्हाला आव्हान किंवा सल्ले द्या, असं नरेश म्हस्के यांनी म्हटलं.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
