मुंबईकरांनो काळजी घ्या! कोरोनासोबत 'या' ही आजारांचे वाढले संकट

मुंबई: करोनाच्या Corona साथीसोबत लढत ही साथ आटोक्यात आणण्यात यश मिळत आहे. परंतु कोरोनासोबत आता मुंबईवर Mumbai पावसाळ्यातील साथींच्या आजाराचे संकट घोंघावत आहे. मुंबईत आता मलेरिया, डेंग्यू, स्वाइन फ्लू, लेप्टोस्पायरोसीस अशा आजारांनी डोके वर काढायला सुरुवात केली आहे. या आजारांच्या रुग्णांमध्ये महिन्याभराच्या काळात तर दुपटीचे वाढ झाल्याचे पाहायला मिळत आहे.

हे देखील पहा-

परंतु एक दिलासादायक बाब म्हणजे, या साथीच्या आजारांनी कोणाचाही बळी घेतलेला नाही. गेल्या वर्षी सन 2020 मध्ये एकट्या मलेरिया या आजाराचे 5 हजार 7 एवढे रुग्ण आढळले होते. तर लेप्टोस्पायरोसीसचे एकूण 240 रुग्ण होते आणि यांपैकी 8 रुग्णांचा मृत्यू झाला. गेल्या वर्षी तब्बल 2 हजार 549 जणांना गॅस्ट्रोने त्रस्त केले होते, तर H1N1 चे 44 रुग्ण होते.

यंदाची साथीच्या आजारांची स्थिती:

अजून मुंबईवरील करोनाचे संकट पूर्णपणे दूर झालेले नाही. त्यात आता पावसाळ्यातील आजारांचे रुग्णही वाढत असल्याचे दिसून येत आहे. यंदा जुलै महिन्यापर्यंतची स्थिती पाहिल्यास गॅस्ट्रोचे 1 हजार 572 आहेत. लेप्टोस्पायरोसीसचे 96, डेंग्यूचे 77 आणि H1N1 चे 28 रुग्ण आढळले आहेत. एकूण रुग्णांपैकी आतापर्यंत लेप्टोचा एक रुग्ण मरण पावला आहे.

Edited BY-Sanika Gade