Mumbai Pune Highway Traffic: मुंबई-पुणे एक्सप्रेस वेवर वाहतूक कोंडी, गाड्यांच्या लांबच लांब रांगा

Mumbai-Pune Express Way Traffic: मुंबई-पुणे एक्सप्रेस वेवर वाहतूक कोंडी झाल्याचं चित्र पाहायला मिळत आहे. मुंबई पुणे (Pune) द्रुतगती मार्गावर सकाळपासून वाहतूक कोंडी झाली आहे.

सुमारे 1 ते दीड किलोमीटर वाहनाच्या लांबच लांब रांगा असल्याचं दिसत आहे. ही वाहतूक कोंडी पुण्याकडे जाणाऱ्या मार्गांवर आहे. या वाहतूक कोंडीमुळे नागरिकांना मोठ्या प्रमाणात त्रास सहन करावा लागत आहे.

याबाबत अधिक माहिती देताना वाहतूक पोलिसांनी (Traffic Police) सांगितलं की, सध्या उन्हाळी सुट्ट्यांमुळं या मार्गावर मोठ्या प्रमाणात वाहनांची वर्दळ असते. लवकरच वाहतूक सुरळीत होईल. (Latest Marathi News)

दरम्यान, बुधवारीही द्रुतगती मार्गावर खालापूर टोलनाका ते खंडाळादरम्यान बुधवारी सकाळी मोठी वाहतूक कोंडी झाली होती. लग्नसराईचा काळ असल्याने सकाळपासूनच मोठ्या प्रमाणात वाहने रस्त्यावर उतरली होती. तशात पुणे लेनवर दोन वाहने बंद पडल्याने ही कोंडी झाल्याचे सांगण्यात येत आहे. दोनतीन तासांनंतर ही कोंडी फोडण्यात वाहतूक पोलिसांना यश आले.