सचिन कदम, साम टीव्ही
Mumbai Pune Expressway Shivneri Bus Accident: मुंबई पुणे एक्स्प्रेस वेवरून भीषण अपघाताची घटना समोर आली आहे. महामार्गावरील खोपोलीजवळ बुधवारी पहाटेच्या सुमारास शिवनेरी बसचा अपघात झाला आहे. चालकाचे गाडीवरील नियंत्रण सुटल्याने बस थेट दुभाजकाला धडकून उलटली. या घटनेत बसचालकासह ६ प्रवासी जखमी झाले आहेत.
अपघाताची माहिती मिळताच स्थानिकांसह पोलिसांनी (Police) घटनास्थळी धाव घेतली. जखमींना तातडीने उपचारासाठी खोपोली पालिका रुग्णालयात दाखल करण्यात आलं आहे. यातील ३ प्रवाशांना कळंबोली येथील एमजीएम रुग्णालयात उपचारासाठी हलवण्यात आलं आहे.
मिळालेल्या माहितीनुसार, महाराष्ट्र राज्य मार्ग परिवहन मंडळाची शिवनेरी बस पुण्याहून मुंबईच्या दिशेने जात होती. बुधवारी पहाटेच्या सुमारास बस खोपोलीजवळ आली असता, चालकाचे गाडीवरील नियंत्रण (Bus Accident) सुटले आणि बस थेट रस्त्यावरील दुभाजकाला धडकून उलटली.
सुदैवाने या घटनेत कोणतीही जीवितहानी झाली नाही. मात्र, बसमधील (Shivneri Bus) ६ प्रवासी जखमी झाले असून बसचे मोठे नुकसान झाले आहे. अपघातानंतर महामार्गावर वाहनांच्या लांबच लांब रांगा लागल्या होत्या पोलिसांनी तातडीने घटनास्थळी धाव घेत वाहतूक सुरळीत केली. तसेच जखमींना रुग्णालयात दाखल केले.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.