मुंबई पुणे एक्स्प्रेस वेवर भीषण अपघात घडला. अनियंत्रित कंटेनरचा ब्रेक फेल झाल्यामुळे थेट २० वाहनांना धडक दिली. अपघातानंतर एक्स्प्रेस वेवर मोठी वाहतूक कोंडी निर्माण झाली होती. कंटेनरची धडक इतकी जोरदार बसली की, यात तीन वाहनांचा चक्काचूर झाला. इतर वाहनांचेही प्रचंड नुकसान झाले. या भीषण अपघातात काही प्रवासी गंभीर जखमी झाले असून, आतापर्यंत या अपघातात ४ जणांचा मृत्यू झाल्याची माहिती आहे. तर, १५ हून अधिक प्रवासी जखमी झाले आहेत. त्यांच्यावर खासगी रूग्णालयात उपचार सुरू आहे.
मुंबई पुणे एक्सप्रेस वे हा सर्वात वर्दळीचा एक्सप्रेस वे आहे. वीकेंड असल्याकारणाने या ठिकाणी वाहतूक कोंडी निर्माण झाली होती. मिळालेल्या माहितीनुसार, भरधाव कंटेनरनं नव्यानं बांधलेल्या बोगद्याजवळ सुमारे २० वाहनांना धडक दिली. धडक दिल्यामुळे यात २० गाड्यांचा चक्काचुर झाला. ३ वाहनांचे प्रचंड नुकसान झाले. तर, ४ जणांचा मृत्यू झाल्याची माहिती आहे.
अनियंत्रित कंटेनरची धडक
लोणावळा खंडाळा घाटावरून मुंबईच्या दिशेनं जाणाऱ्या लेनवर हा अपघात घडला. एका भरधाव कंटेनरचे ब्रेक निकामी झाले. अनियंत्रित कंटेनरने पुढे जाणाऱ्या अनेक वाहनांना धडक दिली. अपघातानंतर या मार्गावर मोठी वाहतूक कोंडी झाली होती. यानंतर खोपोली पोलिसांनी घटनास्थळी धाव घेतली. तसेच जखमींना तातडीने रूग्णालयात उपचारासाठी दाखल करण्यात आले.
स्थानिक आणि बचाव पथकानं घटनास्थळी धाव घेत वाहतूक कोंडी सोडवण्याच प्रयत्न केला. मिळालेल्या माहितीनुसार, या भीषण अपघातात ४ प्रवाशांचा मृत्यू झाला. तर, इतर १५ जणांवर खासगी रूग्णालयात उपचार सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.